OOPS!
YOUR BROWSER IS NOT SUPPORTED
To view this page, please use one of these browsers
ბლოგპოსტი

ბლოგპოსტი

ბავშვი ინსულტის დიაგნოზით: 13 წლის მოზარდის განკურნების ისტორია

05 ოქტომბერი 2022
ბავშვი ინსულტის დიაგნოზით: 13 წლის მოზარდის განკურნების ისტორია

ალექსანდრე კონდოლელი 13 წლის მოზარდია თბილისიდან. მან რამდენიმე თვის წინ ინსულტზე გამარჯვება შეძლო. საუბარია სუბარაქნოიდულ ჰემორაგიაზე. სისხლჩაქცევა იმდენად მოცულობითი იყო, რომ ექიმები გაოცებას ვერ მალავდნენ.

როგორც მოზარდის დედა იხსენებს, მშობლები ალექსანდრესთან ერთად ნაძვის ხის აწყობას გეგმავდნენ, როდესაც, მოულოდნელად, მისი ოთახიდან უცნაური ხმები შემოესმათ. როცა კარი გამოაღეს, ნახეს სრულიად გაშეშებული ბავშვი, რომელიც ერთ წერტილში იყურებოდა და უემოციოდ იჯდა. ალექსანდრემ ოჯახის წევრების ყურადღების მიქცევა მხოლოდ ხელების ოდნავი მოძრაობით შეძლო.

„საბურთალოდან დიღომში 15 წუთში ისე აღმოვჩნდით, გააზრებაც გაგვიჭირდა. ჩვენი სწრაფი მობილიზება ჩვენი მეზობლის დამსახურებაა, რომელიც სასწრაფო დახმარების თანამშრომელია. ის მაშინათვე მიხვდა, რომ ნევროლოგიურ დარღვევასთან გვქონდა საქმე,“ - იხსენებს პატარა პაციენტის დედა.

ალექსანდრე იაშვილის ბავშვთა ჰოსპიტლიდან კავკასიის მედიცინის ცენტრში გადაიყვანეს. ანევრიზმა გამოირიცხა, თუმცა  დადასტურდა იშვიათი დიაგნოზი ბავშვებში - სუბარაქნოიდულიჰემორაგია,  ანუ ინსულტის ერთ-ერთი ტიპი. კისრის დონეზე არსებული დურალური ფისტულა კიდურებში პარეზს იწვევდა.

ბავშვს, თავდაპირველად, სასიცოცხლო მონაცემები არ ჰქონდა, თუმცა მას ძლიერი ორგანიზმი აღმოაჩნდა. სისხლჩაქცევის შედეგად გამოწვეული გართულებების მიუხედავად,  ალექსანდრემ ამ გამოწვევას გაუძლო: ზუსტად 1 თვეში, ორგანიზმის გაძლიერების შემდეგ, პაციენტს ჩაუტარდა ენდოვასკულური ოპერაცია - ფისტულის დახურვა სპეციალური საემბოლიზაციო წებოს გამოყენებით.

ოპერაციული მკურნალობა ნეიროქირურგებმა - მირზა ხინიკაძემ და კოკა გოგიჩაშვილმა განახორციელეს. პატარა პაციენტი ბინაზე ნევროლოგიური დეფიციტის გარეშე, სრულიად გამოჯანმრთელებული გაეწერა.

 

 

 

 

 

 

 

 

 

 

 

 

 

 

 

სხვა ბლოგები

კავკასიის მედიცინის ცენტრში პირველი სტერეოტაქსიული ნეიროქირურგიული  ოპერაცია  ჩატარდა
იხილეთ მეტი
კავკასიის მედიცინის ცენტრში პირველი სტერეოტაქსიული ნეიროქირურგიული ოპერაცია ჩატარდა
14 მარტი 2023
კავკასიის მედიცინის ცენტრის ნეირომეცნიერებათა დეპარტამენტში პირველი სტერეოტაქსიული ბიოფსია შესრულდა.
სიელმისა და რეფრაქციული მანკების თანამედროვე და მაღალტექნოლოგიური მკურნალობა კავკასიის მედიცინის ცენტრში
იხილეთ მეტი
სიელმისა და რეფრაქციული მანკების თანამედროვე და მაღალტექნოლოგიური მკურნალობა კავკასიის მედიცინის ცენტრში
10 თებერვალი 2023
სიელმე, ანუ თვალის მამოძრავებელი კუნთოვანი სისტემის ბალანსის დარღვევა, ძირითადად რეფრაქციულ მანკებთან ( ახლომხედველობა, შორსმხედველობა და ასტიგმატიზმი ) კომბინაციაში, მოსახლეობაში ხშირად გავრცელებული პრობლემაა.
ეპილეფსიის ქირურგია კავკასიის მედიცინის ცენტრში
იხილეთ მეტი
ეპილეფსიის ქირურგია კავკასიის მედიცინის ცენტრში
08 ნოემბერი 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.