ავთვისებიანი სიმსივნის მეტასტაზები ფილტვში და ქიმიოთერაპიით მიღებული შედეგი

ციალა ფირფიტაძე 63 წლის ქალბატონია, რომელმაც დაავადების შესაჩერებლად  გრძელი და დამღლელი გზა გამოიარა. მისმა პრობლემებმა პირველად 2021 წლის გაზაფხულზე, ყლაპვის გაძნელებითა და ყელის ტკივილით იჩინა თავი. გარკვეული პერიოდი თხელ საკვებსა და სასმელს იღებდა. აღენიშნა წონაში მკვეთრი კლება, რამაც ზოგადი სისუსტეც გამოიწვია.

როგორც ამბობს, მისი მცდელობა, შეეტყო რა სჭირდა, რამდენიმე თვის განმავლობაში უშედეგოდ რჩებოდა. შემდეგ კავკასიის მედიცინის ცენტრში, ახლობლის რჩევით ლიკა კაცელაშვილთან მივიდა და გამოკვლევები ჩაიტარა. გასტროსკოპიამ კუჭის კარდიალური ნაწილის მალიგნური წყლული გამოავლინა, რაც უჯრედების პათოლოგიურ ცვლილებებზე  მიუთითებდა. კომპიუტერული და მაგნიტურ-რეზონანსული ტომოგრაფიითა და ბიოფსიით დადგინდა კუჭის მაღალდიფერენცირებული ადენოკარცინომა მეტასტაზებით ორივე ფილტვში.

ონკოლოგმა ლიკა კაცელაშვილმა მკურნალობის კურსი ქიმიოთერაპიით დაიწყო. მისი მდგომარეობა მნიშვნელოვნად გაუმჯობესდა და 63 წლის ქალი ცხოვრების ჩვეულ რიტმს დაუბრუნდა. დღევანდელი მდგომარეობით მეტასტაზები, რომელიც ორივე ფილტვში აღინიშნებოდა, ამჯერად აღარ შეინიშნება. ციალა ფირფიტაძე მუდმივად იმყოფება ონკოლოგის დაკვირვების ქვეშ და პერიოდულ შემოწმებას გადის. მას არანაირი ჩივილი არ აღენიშნება.