გულ-სისხლძარღვთა ცენტრი
კავკასიის მედიცინის ცენტრში გეგმიური და გადაუდებელი კარდიოლოგიური, არითმოლოგიური და კარდიოქირურგიული სამედიცინო მომსახურების სრული სპექტრით სარგებლობაა შესაძლებელი. ჰოსპიტალში ფუნქციონირებს კარდიოინტენსიური ბლოკი და კარდიოქირურგიული განყოფილება, სადაც პაციენტების მკურნალობას ახორციელებს მაღალკვალიფიციური პერსონალით დაკომპლექტებული გუნდი.
ჰოსპიტალში 24 საათის განმავლობაში ხელმისაწვდომია ყველა დიაგნოსტიკური საშუალება, რაც კრიტიკულად მნიშვნელოვანია პაციენტების სწორი მართვის პროცესში. ტარდება როგორც ტრანსთორაკალური, ასევე ტრანსეზოფაგური ექოკარდიოგრაფია; ჰოლტერ-მონიტორირება; ფუნქციური დიაგნოსტიკის მნიშვნელოვანი ნაწილია დატვირთვის ტესტი და სტრეს-ექო, რომელიც 24 საათის განმავლობაშია ხელმისაწვდომი. ამბულატორიული მომსახურების ფარგლებში ჰოსპიტალი პაციენტებს CT კორონაროგრაფიას სთავაზობს - 640 შრიანი კტ, რომლის საშუალებითაც შესაძლებელია გულის მკვებავი სისხლძარღვების ანუ კორონალური არტერიების შეფასება კომპიუტერული ტომოგრაფიული კვლევით. გულის ცენტრი წარმოდგენილია 23 საწოლიანი ფონდით, სადაც შესაძლებელია 24/7- ზე მწვავე-გადაუდებელი სერვისების მართვა.
კავკასიის მედიცინის ცენტრი პაციენტებს სთავაზობს სრულ გეგმიურ და გადაუდებელ კარდიოლოგიურ, არითმოლოგიურ და კარდიოქირურგიულ მომსახურებას
პაციენტების სრულყოფილი და ეფექტური მართვისთვის კარდიოლოგიის სამსახურში, 24/7 - ზე რეჟიმში, ხელმისაწვდომია შემდეგი გამოკვლევის მეთოდები:
- ტრანსთორაკალური და ტრანსეზოფაგური ექოკარდიოგრაფია;
- ჰოლტერის მონიტორინგი (24სთ, 48სთ, )
- ფუნქციური ტესტები: დატვირთვის სტრეს-ტესტი, სტრეს - ექოკარდიოკრაფია - წარმოადგენს კორონარული დაავადებების დროულად გამოვლენის თანამედროვე სტანდარტის კვლევას;
- ამასთან, ამბულატორიულ მომსახურებაში დაინერგა CT კორონაროგრაფია (კორონაროგრაფია კომპიუტერული ტომოგრაფიით) - 640 შრიანი კომპიუტერული ტომოგრაფით, რომლის საშუალებითაც შესაძლებელია გულის მკვებავი სისხლძარღვების, ანუ კორონარული არტერიების შეფასება.
დეპარტამენტის მაღალკვალიფიციური, დასავლური გამოცდილების მქონე გუნდი, საერთაშორისო სტანდარდებისა და გაიდლაინების მიხედვით, ყველა საჭირო პროფილის ექიმის ჩართულობით, უზრუნველყოფს ნებისმიერი კარდიოლოგიური პათოლოგიების მართვას, მაგალითად:
- კორონარული არტერიების დაავადება;
- გულის უკმარისობა;
- გულის სარქვლოვანი დაავადებები;
- არითმიები;
- ჰიპერტენზია;
- კარდიომიოპათია;
- გულის თანდაყოლილი დაავადებები;
- პერიკარდიუმის (გულის პერანგი) დაავადებები;
- სისხლძარღვთა დაავადებები;
- ქოლესტერინისა და ლიპიდური ცვლის დარღვევები.
დაავადების განვითარების თავიდან აცილების ან ადრეულ ეტაპზე გამოვლენის მიზნით, სასურველია პრევენციული შემოწმება, მამაკაცებისთვის 40 წლის ასაკიდან, ქალბატონებისთვის - 50, ხოლო შემოწმებების პერიოდულობას განსაზღვრავს ექიმი, ინდივიდუალური საჭიროების მიხედვით.
მნიშვნელოვანია, ვიცოდეთ იმ სიმპტომების შესახებ, რომლის არსებობის შემთხვევაში უნდა მიმართოთ ექიმს, კერძოდ, თუ თქვენ როდესმე გქონდათ:
- ტკივილი გულმკერდის არეში;
- გაძლიერებული ან გახშირებული გულისცემა, გულისცემის „გამოვარდნის“ შეგრძნება;
- არტერიული ჰიპერტენზია (მაღალი არტერიული წნევა) არსებობა;
- ასევე დაბალი არტერიული წნევის ეპიზოდები და პულსის დაბალი მაჩვენებლები
- სუნთქვის გაძნელება და ქოშინი;
- ადრე გადატანილი მიოკარდიუმის ინფარქტი.
- გონების დაკარგვის ეპიზოდი (კარდიოლოგიური მზეზების გამორიცხვის მიზნით)
გულ-სისხლძარღვთა პათოლოგიების განვითარების რისკის მნიშვნელოვნად შემცირებისთვის კი საჭიროა:
- ჯანსაღი ცხოვრების წესის დანერგვა
- თამბაქოს მოხმარების შეწყვეტა;
- სისხლში გლუკოზისა და ლიპიდური ცვლის აქტიური კონტროლი;
- წონის კონტროლი და ა.შ.
