ექიმის შესახებ
გიორგი ჯინჭველაძე ლიცენზირებული სისხლძარღვთა და ზოგადი ქირურგია. იგი 2021 წლიდან შემოუერთდა კავკასიის მედიცინის ცენტრის გუნდს და წარმატებით ხელმძღვანელობს სისხლძარღვთა და ენდოვასკულური ქირურგიის დეპარტამენტს.
სფეროში თითქმის 20 წლიანი მოღვაწეობის პერიოდში მას გავლილი აქვს საერთაშორისო აღიარების 30 - მდე უცხოური კურსი თუ ვორქშოფი, ჰოლანდიაში, თურქეთში, გერმანიასა და სერბეთში, ისეთ თემებზე, როგორიცაა: „ღრმა ვენების ობსტრუქციის მკურნალობა“; “ვენური რეფლუქსის მკურნალობა VENASEAL დახურვის მეთოდით“ (მინი ინვაზიური მეთოდი) და სხვა მრავალი.
ის ხშირად ესწრება საერთაშორისო კონფერენციებს, მუდმივად ეცნობა ანგიოლოგიასა და ანგიოქირურგიაში თანამედროვე მედიცინის კვლევებსა და მიდგომებს. ამასთან, სამეცნიერო-აკადემიური მოღვაწეობის ფარგლებში იგი 5 პუბლიკაციის ავტორია და როგორც ლექტორი, ჩართულია საგანმანათლებლო პროცესშიც.
აქტიური სამედიცინო, სამეცნიერო და აკადემიური საქმიანობიდან გამომდინარე, იგი ევროპის სისხლძარღვთა ქირურგიის საზოგადოების (ESVS), საქართველოს ანგიოლოგების და სისხლძარღვთა ქირურგების ასოციაციისა (GAAVS) და ევროპის ფლებოლოგიის კოლეჯის (ECoP) წევრია.
ანგიოქირურგი გიორგი ჯინჭველაძე წელიწადში, საშუალოდ, 350-400 ოპერაციას ახორციელებს და პაციენტებს, მაღალკვალიფიციურ და გამოცდილ გუნდთან ერთად, შემდეგ მომსახურებებს სთავაზობს:
- ათეროსკლეროზით გამოწვეული პერიფერიული სისხლძარღვოვანი პათოლოგიების მკურნალობას;
- სისხლძარღვოვანი ეტიოლოგიის ტროფიკული წყლულების მკურნალობას;
- დიაბეტური ტერფის დიაგნოსტიკასა და მკურნალობას თანამედროვე (მინიინვაზიური) მეთოდებით;
- მაგისტრალური სისხლძარღვების ანევრიზმების ქირურგიულ და ენდოვასკულურ მკურნალობას;
- საძილე არტერიების შევიწროვებით გამოწვეული ინსულტის მართვას;
- ღრმა და ზედაპირული ვენების დიაგნოსტიკას, თანდაყოლილი და შეძენილი პათოლოგიების გამოვლენასა და მკურნალობას;
- ენდოვენურ (უსისხლო) ოპერაციებს (რადიოაბლაცია) - ვენების ვარიკოზული გაგანიერებისა და ვენური ტროფიკული წყლულების დროს;
- მინიფლებექტომიასა და ვარიკოზული წვრილი კაპილარული ქსელის სკლეროთერაპიას;