ანესთეზიოლოგია
კავკასიის მედიცინის ცენტრის ანესთეზიოლოგიის მიმართულება მნიშვნელოვან რგოლს წარმოადგენს ჰოსპიტლის სტაციონარისა და ამბულატორიის ეფექტურ ფუნქციონირებაში. ანესთეზიოლოგიის მიმართულება დაკომპლექტებულია მაღალკვალიფიციური, გამოცდილი ექიმების გუნდით და გთავაზობთ:
- პაციენტის პრეოპერაციულ შეფასებას, რაც მოიცავს მის წინასაოპერაციო მომზადებას, დაავადების შესაბამისი კვლევების განხორციელებას, პაციენტის ჯანმრთელობის მდგომარეობის შესაბამისობის დადგენას კონკრეტულ ოპერაციასა და პოსტოპერაციულ პერიოდთან, რისკების დადგენას;
- საჭიროების შემთხვევაში, პაციენტის ოპერაციისთვის მოსამზადებელი ინდივიდუალური გეგმის შედგენას;
- ოპერაციული პერიოდის მართვას;
- პოსტოპერაციული ტკივილის მართვასა და ქრონიკული ტკივილის პრევენციას;
- უახლოეს პოსტოპერაციულ პერიოდში პერსონალური ანესთეზიოლოგის მეთალყურეობას, შესაბიმისი კვალიფიკაციით (პოსტოპერაციულ მდგომარეობაზე ფოკუსირებული) დაკომპლექტებული გუნდის დახმარებით.
ანესთეზიოლოგიის მიმართულება, თანამედროვე მულტიმოდალური ანალგეზიის ყველა კომპონენტის გამოყენებით, უმნიშვნელოვანეს როლს ასრულებს პოსტოპერაციული ტკივილის მართვასა და ოპერაციის შემდგომი ქრონიკული ტკივილის პრევენციაში.
ამბულატორიული ანესთეზია
ამასთან, გარდა ნებისმიერი სირთულის პერიოპერაციული (პრეოპერაციული, ოპერაციული და პოსტოპერაციული) სტაციონარული მომსახურებისა, ანესთეზიოლოგიის სამსახურში მოქმედებს ამბულატორიული მომსახურებაც, რომელიც უზრუნველყოფს:
- ამბულატორიული ჩარევის დროს ანესთეზიას;
- ანესთეზიის შემდგომი მდგომარეობის მართვასა და პაციენტის მეთვალყურეობას ბინაზე გაწერამდე;
უფრო კონკრეტულად კი ამბულატორიული ანესთეზია მოიცავს შემდეგ მომსახურებებს:
- ანესთეზია/სედაციას ენდოსკოპიური პროცედურებისა (ტრანსეზოფაგური ექოკარდიოგრაფია, ეზოფაგოგასტროდუოდენოსკოპია და ა.შ) და ბიოფსიის დროს;
- ანესთეზია/სედაციას კომპიუტერული და მაგნიტურ რეზონანსული ტომოგრაფიის დროს და ა.შ.
ნებისმიერი ქირურგიული ჩარევის დაგეგმვის დროს საჭიროა, პაციენტმა გაიაროს კონსულტაცია ანესთეზიოლოგთან, რომელიც შეადგენს კონკრეტულ პერიოპერაციულ გეგმას და განსაზღვრავს ყველა საჭიროებას ოპერაციის რისკების მინიმიზაციისთვის.
