კლინიკური ონკოლოგიის ცენტრი
კლინიკური ონკოლოგია კავკასიის მედიცინის ცენტრის კიდევ ერთი მიმართულებაა, რომელიც უახლესი სამედიცინო პროტოკოლების შესაბამისად შეიქმნა და პაციენტებს საერთაშორისო სტანდარტებით მკურნალობას სთავაზობს. კლინიკური ონკო-ცენტი გახლავთ სივრცე, სადაც მომსახურების მიღება ერთ სივრცეში, მაქსიმალურად კომფორტულ გარემოშია შესაძლებელი. ცენტრში ხელმისაწვდომია ონკოლოგიური პათოლოგიების დიაგნოსტირება, როგორც ამბულატორიულ, ისე სტაციონარული მკურნალობა და მკურნალობის შემდგომი მეთვალყურეობა.
მულტიდისციპლინური მიდგომა
ჰოსპიტალში ონკოლოგიური პაციენტის მართვა მულტიდისციპლინური მიდგომით ხორციელდება, ხოლო კლინიკური ონკოლოგი პაციენტის მართვაში ჩართულია დაავადების დიაგნოსტირებიდან მკურნალობის დასრულებამდე. ამასთან, მაღალკვალიფიციური გუნდი ახორციელებს საერთაშორისო აღიარების კვლევებს, რომელიც გამოქვეყნებულია მაღალრეიტინგულ ჟურნალებში.
ონკოლოგიის ცენტრში შესაძლებელია პერსონალური კოორდინატორის მომსახურებით სარგებლობაც, რომელიც უზრუნველყოფს პაციენტის ექიმთან გეგმიური ვიზიტებისა და განსახორციელებელი კვლევების ორგანიზებას.
ონკოლოგიური დაავადებების მკურნალობა
ცენტრში ხორციელდება შემდეგი პათოლოგიების მკურნალობა
- ძუძუს კიბო;
- ფილტვის კიბო;
- კუჭ-ნაწლავის ტრაქტის სიმსივნეები;
- შარდ - სასქესო ორგანოების სიმსივნეები;
- გინეკოლოგიური ორგანოების სიმსივნეები;
- თავ - კისრის სიმსივნეები;
- მელანომა და კანის სხვა ავთვისებიანი სიმსივნეები;
- სარკომები;
- ცენტრალური ნერვული სისტემის ავთვისებიანი სიმსივნეები;
- მეტასტაზური სიმსივნე უცნობი პირველადი კერით;
- ენდოკრინული და ნეიროენდოკრინული სიმსივნეები.
მკურნალობის მეთოდები
რაც შეეხება მკურნალობის მეთოდებს, ონკო-ცენტრში ტარდება:
- ქიმიოთერაპია (მონო და პოლიქიმიოთერაპიის სახით);
- ჰორმონოთერაპია;
- ტარგეტული (სამიზნე) თერაპია;
- იმუნოთერაპია.
პაციენტების დაფინანსება შესაძლებელია როგორც საყოველთაო (სახელმწიფო), ისე ნებისმიერი კერძო დაზღვევით. ამასთან, საერთაშორისო პროგრამის ფარგლებში, გარკვეული ონკოპათოლოგიების იმუნოთერაპიითა და სხვა მედიკამენტებით მკურნალობა ხორციელდება უფასოდ.
