ოტორინოლარინგოლოგიის ცენტრი
კავკასიის მედიცინის ცენტრის ოტორინოლარინგოლოგიის ცენტრი პაციენტებს 24 საათიან სრულყოფილ ამბულატორიულ მომსახურებას სთავაზობს. ცენტრი დაკომპლექტებულია მაღალკვალიფიციური ექიმების გუნდით და აღჭურვილია ყველა იმ მატერიალურ-ტექნიკური რესურსით, რომელიც ყელ-ყულ-ცხვირის პათოლოგიების დიაგნოსტირებასა და მკურნალობას უზრუნველყოფს.
დიაგნოსტიკური კვლევები
ცენტრში ტარდება შემდეგი სახის კვლევები:
- აუდიომეტრია - სმენის სიმახვილის შემოწმება;
- რინომანომეტრია - ცხვირის სასუნთქი ფუნქციის კვლევა;
- ცხვირ - ხახისა და ხორხის ენდოსკოპიური კვლევა;
ოტორინოლარინგოლოგიული დაავადებების მკურნალობა
საერთაშორისო გაიდლაინებისა და სტანდარტების მიხედვით, ოტორინოლარინგოლოგიის ცენტრში შემდეგი პათოლოგიების მკურნალობაა ხელმისაწვდომი:
- მწვავე და ქრონიკული ტონზილიტი (ნუშურა ჯირკვლების ანთება);
- მწვავე და ქრონიკული ფარინგიტი (ხახის ლორწოვანი გარსის ანთება);
- მწვავე და ქრონიკული ლარინგიტი (ხორხის ანთება);
- ნაზოფარინგიტი (ცხვირ - ხახის ლორწოვანი გარსის ანთება);
- ჰიპერტროფიული რინიტი (ცხვირის ნიჟარების მუდმივი ჰიპერტროფია);
- ცხვირის ძგიდის გამრუდება;
- ცხვირის პოლიპოზი;
- მწვავე და ქრონიკული ჰაიმორიტი;
- შუა ყურის მწვავე და ქრონიკული ანთება;
- გარეთა ყურის მწვავე ანთება;
- ოტომიკოზი (ყურის სოკო);
- ცხვირიდან სისხლდენის გაჩერება თანამედროვე, ენდოსკოპიური და კოაგულაციური მეთოდებით;
- სმენის დაქვეითება.
დაავადების გამოსავალზე დაავადების საწყის ეტაპზე მკურნალობას მკვეთრად დადებითი გავლენა აქვს, სწორედ ამიტომ, მნიშვნელოვანია, გავითვალისწინოთ, რომ სასურველია პაციენტის პრევენციული შემოწმება 3 წლის ასაკიდან წელიწადში 2 - ჯერ, პათოლოგიის შემთხვევაში კი - კვირაში ერთხელ. აგრეთვე, მნიშვნელოვანია იმ სიმპტომების ცოდნა, რომლის გამოვლენის შემთხვევაშიც უნდა მიმართოთ ექიმს, კერძოდ:
- ცხვირით სუნთქვის გაძნელება;
- ცხვირიდან გამონადენი;
- ჩამონადენის ცხვირიდან ცხვირ - ხახაში გადანადენი;
- შუბლისა და სახის მიდამოს ტკივილი;
- ყელის ტკივილი;
- ყელის სიმშრალე;
- ხველება;
- ხმის ტემბრის შეცვლა;
- სუნთქვის გართულება ყელიდან;
- სმენის დაქვეითება;
- ყურებში ხმაურის სუბიექტური შეგრძნება;
- ყურის ტკივილი;
- ყურიდან გამონადენი.
