კავკასიის მედიცინის ცენტრის თვალის ცენტრი აღჭურვილია უახლესი თანამედროვე სადიაგნოსტიკო/სამკურნალო აპარატურით, ხოლო მაღალკვალიფიციური, გამოცდილი ექიმების გუნდი პაციენტებს თვალის პათოლოგიების სრულყოფილ დიაგნოსტიკასა და მკურნალობას სთავაზობს.

ოფთალმოლოგიური დაავადებების მკურნალობა

ცენტრში ხელმისაწვდომია შემდეგი დაავადებების მკურნალობა:

მოხუცებულობითი, თანდაყოლილი დადიაბეტური კატარაქტა (ბროლის შემღვრევა);
ახლომხედველობა, შორსმხედველობა, ასტიგმატიზმი;
გლაუკომა;
დიაბეტური რეტინოპათია;
კერატოკონუსი (რქოვანას დეგენერაციული დაავადება);
ქალაზიონი (ანთებადი წარმონაქმნი ქუთუთოზე);
ახალწარმონაქმნები ქუთუთოზე;
პტერიგიუმი (თვალის ლორწოვანი გარსის კეთილთვისებიანი წანაზარდი);
სიელმე;
მშრალი თვალის სინდრომი;
თვალის სხვადასხვა ანთებითი დაავადებები: კონიუქტივიტი, კერატიტი, უვეიტი, სკლერიტი, ეპისკლერიტი;
თვალის ტრავმული დაზიანებები.

მკურნალობის მეთოდები

თვალის ცენტრში ტარდება მოწინავე, მაღალტექნოლოგიური და კომპლექსური ოპერაციული მკურნალობა, კერძოდ:

მოხუცებულობითი, თანდაყოლილი და დიაბეტური კატარაქტის ფაკოემულსიფიკაცია ხელოვნური ბროლის იმპლანტაციით;
ანტიგლაოკომატოზური ოპერაციები: წინა საკნის შუნტირება; ტრაბეკულოტომია ირიდექტომიით; ტრაბეკულოპლასტიკა;
რეფრაქციული მანკების ლაზერული კორექცია;
წინა ვიტრექტომია;
გაფართოებული ვიტრექტომია - თვალის მინისებური სხეულის ამოკვეთა;
რქოვანას გადანერგვა;
კერატოკონუსის სხვადასხვა სტადიის ქირურგიული მკურნალობა;
გადაუდებელი ოპერაციული ჩარევა - თვალბუდის ნებისმიერი სახის ტრავმული დაზიანების დროს;
ფრთისებრი აპკის ამოკვეთა და კონიუქტივიტის ტრანსპლანტაცია;
ოპერაციები საცრემლე გზებზე: ტრანსნაზალური დაკრიოცისტორინოსტომია (საცრემლე პარკისა და ცხვირის ღრუს დაკავშირება); დაკრიოცისტექტომია (საცრემლე პარკის ამოკვეთა);
რეკონსტრუქციული ოპერაციები ქუთუთოებზე: ქუთუთოს ბოჭკოსებრი ხრტილისა და კანის ამოკვეთა ქუთუთოს გარეთ გადმობრუნების, ანუ ექტროპიონის გამო; ენტროპიონის (შიგნით ჩაბრუნებული ქუთუთო) კომბინირებული კორექცია; ქუთუთოების პლასტიკური ოპერაციები;
ევისცერაცია (თვალის ნაწილების ამოღება - თვალის კარკასის შენარჩუნებით) და ენუკლეაცია (თვალის მთლიანად ამოღება);
ქალაზიონის (ქუთუთოს ცხიმოვანი ჯირკვლების ქრონიკული ანთება) გაკვეთა.

საყურადღებო სიმპტომები

დაავადების დროული აღმოჩენისა და შემდგომი მკურნალობის დასაგეგმად სასურველია ოფთალმოლოგიური კონსულტაციის გავლა და ინსტრუმენტული გამოკვლევის ჩატარება 0 წლის ასაკიდან. მხედველობის დაქვეითების პრევენციისთვის, რეკომენდებულია ვიზიტი ოფთალმოლოგთან წელიწადში ერთხელ, ჩივილების არსებობის გარეშეც. აგრეთვე, არსებობს რიგი სიმპტომებისა, რომელთა გამოვლენის შემთხვევაში საჭიროა ექიმთან კონსულტაცია, მაგალითად:

მხედველობის გაბუნდოვანება/გაუარესება;
თვალის ტკივილი, თვალში უცხო სხეულის შეგრძნება;
თვალის ტრავმა;
შაქრიანი დიაბეტისა და არტერიული ჰიპერტენზიის არსებობა;
სიელმე;
მცურავი წერტილების არსებობა თვალში და ნათებების არსებობა.

სალომე ჯაფარიძე

ოფთალმოლოგი

ექიმთან დაკავშირებული სერვისები

თვალის ცენტრი