კავკასიის მედიცინის ცენტრის პროქტოლოგიის დეპარტამენტი მსხვილი ნაწლავის, სწორი ნაწლავისა და ანუსის პათოლოგიების სრულყოფილ დიაგნოსტირებასა და როგორც ამბულატორიულ, ისე ქირურგიულ მკურნალობას უზრუნველყოფს.

დიაგნოსტირებისთვის განყოფილებაში გამოიყენება გამოკვლევის ისეთი მეთოდები, როგორიცაა:

დიგიტალური რექტალური გამოკვლევა;
ანოსკოპია;
პროქტოსკოპია;
კოლონოსკოპია (მსხვილი ნაწლავისა და სწორი ნაწლავის შიდა გარსის ენდოსკოპიური კვლევა);
სიგმოიდოსკოპია (სწორი ნაწლავისა და სიგმოიდური კოლინჯის შიდა ზედაპირის ენდოსკოპიური დათვალიერება);
საჭიროების შემთხვევაში, ბიოფსია.

პროქტოლოგიის სამსახური დაკომპლექტებულია გამოცდილი, მაღალკვალიფიციური ექიმების გუნდით, რომელიც საერთაშორისო სტანდარტების მიხედვით, ახორციელებს შემდეგი პათოლოგიების მკურნალობას:

ჰემოროიდული დაავადება, ჰემოროიდული კვანძების გამოვარდნა (გადიდებული კავერნოზული სხეულები ანუსის არეში, რომელიც რთულდება გამოვარდნით, სისხლდენით ან თრომბოზით. იწვევს ტკივილსა და უსიამოვნო შეგრძნებებს ანუსის არეში, ხშირი სისხლდენის შემთხვევაში - ანემიას);
ქრონიკული და მწვავე ანალური ნახეთქი (ხასიათდება ტკივილით, სისხლიანი გამონადენით, სპაზმით, დისკომფორტითა და ქავილის შეგრძნებით);
პარაპროქტიტი (სწორი ნაწლავის ირგვლივ მდებარე ქსოვილების ანთება);
სწორი ნაწლავის ფისტულა/ხვრელმილი (ვითარდება მწვავე ჩირქოვანი პროცესის შემდეგ და ხასიათდება პერიანალური მიდამოდან პერიოდული გამონადენით, ხშირი ჩივილებია: ქავილი და სისველე ანუსის მიდამოში, იშვიათად - ტკივილი და ცხელება);
პილონიდალური სინუსი/პილონიდური კისტა (კანისა და კანქვეშა ქსოვილის ინფექცია, რომელიც უმეტესად კუდუსუნთან, დუნდულების გამყოფი ხაზის ზემოთ ვითარდება).

რაც შეეხება ქირურგიულ მკურნალობას, კლინიკაში წარმატებით ხორციელდება:

ჰემოროიდული კვანძების ლიგირება;
ბოტოქსის ინექცია პერიანალურ მიდამოში;
მწვავე ჩირქოვან - ანთებითი პროცესების მკურნალობა და სხვა.

დაავადებების განვითარების პრევენციის, დროული გამოვლენისა და ეფექტური მკურნალობის მიზნით, კავკასიის მედიცინის ცენტრი ჩართულია უფასო სახელმწიფო პროგრამაში და ახორციელებს მსხვილი ნაწლავის კიბოს სკრინინგს 50 - დან 70 წლამდე ასაკის პაციენტებისთვის.

არსებობს რიგი სიმპტომებისა, რომლის გამოვლენის შემთხვევაში უნდა მიმართოთ ექიმს, ესენია:

ჰემოროიდული კვანძების გამოვარდნა;
ტკივილი ანუსის არეში დეფეკაციის დროს ან მის შემდეგ;
სისხლიანი გამონადენი ანალური არხიდან;
ჩირქოვანი გამონადენი ანუსის მიმდებარე ქსოვილებიდან;
შესიება აღნიშნულ მიდამოებში;
ტკივილი და შესიება კუდუსუნის არეში.

პროქტოლოგიური დაავადებების განვითარების რისკის შესამცირებლად ექიმი გირჩევთ, რომ:

მიიღოთ ბოჭკოვანი საკვები და დაიცვათ კვების რეჟიმი;
დალიოთ საჭირო რაოდენობის წყალი დღის განმავლობაში;
მოერიდოთ ხანგრძლივად ჯდომას;
თავი შეიკავოთ ცხარე საკვებისა და ალკოჰოლის მიღებისგან;

თეა ზურაბაშვილი

პროქტოლოგი

ექიმთან დაკავშირებული სერვისები

პროქტოლოგიის ცენტრი