ნინო რამიშვილი

ექიმი ორთოპედ-ტრავმატოლოგი, ნინო რამიშვილი 2022 წლიდან შემოუერთდა კავკასიის მედიცინის ცენტრის მაღალკვალიფიციური ექიმების გუნდს.

მედიცინის სფეროში მოღვაწეობის კვალდაკვალ მას გავლილი აქვს არაერთი უცხოური, საერთაშორისო აღიარების ტრენინგი, სასწავლო კურსი თუ ვორქშოფი, მათ შორის, შვეიცარიაში, საბერძნეთსა და სლოვენიაში.  მან გაიარა AO ორგანიზაციის ტრავმის სემინარები, ისეთ თემებზე, როგორიცაა: „ინფექციების მართვა ტრავმულ პაციენტებში“; “სახსრის მოტეხილობა, გართულებები და მიდგომები”; “მოტეხილობების მართვის საბაზისო პრინციპები”; მოტეხილობის მართვის მოწინავე პრინციპები” და ა.შ

ამასთან, ის ხშირად ესწრება საერთაშორისო კონფერენციებსა თუ ტრენინგებს, ეცნობა და ნერგავს თანამედროვე ტრავმატოლოგიურ მიდგომებს და არის AO ორგანიზაცის წევრი (AO Trauma member) და AO ტრავმული ორგანიზაციის საქართველოს საბჭოს წევრი.

ექიმი ორთოპედ-ტრავმატოლოგი, ნინო რამიშვილი წელიწადში საშუალოდ 500-600 ქირურგიულ მკურნალობას ახორციელებს და 1200-1400 ამბულატორიულ პაციენტს ემსახურება, ის, მაღალკვალიფიციურ გუნდთან ერთად, ჰოსპიტლის მატერიალურ-ტექნიკური ბაზის გამოყენებით, გვთავაზობს:

• მხრის სარტყლის, კიდურებისა და მტევნის/ტერფის ყველა სახის მოტეხილობის კონსერვატიულ და ოპერაციულ მკურნალობას, თანამედროვე საფიქსაციო იმპლანტებითა და მეთოდებით;
• შეუხორცებელი მოტეხილობების, ყალბი სახსრების, ტრავმის შემდგომი და ორთოპედიული დეფორმაციების ოპერაციულ მკურნალობას, პლასტიკითა და ძვლოვანი ქსოვილის ტრანსპლანტაციით, კიდურის დაგრძელებით; 
• მყეს-კუნთოვანი მწვავე და ხანდაზმული (მხრის, წინამხრის, ბარძაყის, წვივის, აქილევსის მყესის და სხვა) დაზიანებების ოპერაციულ მკურნალობას პლასტიკით; 
• ტერფის დეფორმაციის (ბრტყელი ტერფი, I თითის დეფორმაცია „ჰალუქს ვალგუსი“, ქუსლის „დეზი“ და სხვა) კონსერვატიულ და ოპერაციულ კორექციას;
• ართროზების კონსერვატიულ მკურნალობას სახსარშიდა ინექციებით (მხრის, იდაყვის, მენჯ-ბარძაყის, მუხლის, კოჭ-წვივის და სხვა.);