OOPS!
YOUR BROWSER IS NOT SUPPORTED
To view this page, please use one of these browsers
Blog

Blog

მძლავრი ანგიოლოგიური სერვისი კავკასიის მედიცინის ცენტრში

13 December 2021
მძლავრი ანგიოლოგიური სერვისი კავკასიის მედიცინის ცენტრში
კავკასიის მედიცინის ცენტრის სისხლძარღვთა და ენდოვასკულური ქირურგიის განყოფილება აღჭურვილია მაღალტექნოლოგიური ბაზით, რომელიც პაციენტს ნებისმიერი სისხლძარღვოვანი დაავადებების დიაგნოსტიკასა და თანამედროვე მკურნალობის მეთოდებს სთავაზობს.

კავკასიის მედიცინის ცენტრის სისხლძარღვთა და ენდოვასკულური ქირურგიის განყოფილებას აქვს სპეციალური პროგრამები, რომლითაც კომპიუტერული ტომოგრაფიის მონაცემების ზუსტი და სწრაფი დამუშავება ხორციელდება, რაც განსაკუთრებით მნიშვნელოვანია ისეთი მწვავე პაციენტის მართვისთვის, როგორიცაა: აორტის ანევრიზმის გასკდომა, განშრევება, თრომბოზი და ემბოლია, როდესაც ყოველი წუთი სასიცოცხლოდ მნიშვნელოვანია.

ყურადღებას იპყრობს, ჰოსპიტალში აორტის სტენტგრაფტების მარაგი, რომელიც მწვავე პაციენტის (აორტის დისექცია, აორტის გამსკდარი ანევრიზმა) გადარჩენის საფუძველს წარმოადგენს, განსაკუთრებით პოლიტრავმების დროს, როდესაც ღია ქირურგიული ჩარევა შეუძლებელია მაღალი ლეტალური გამოსავლის გამო.

სისხლძარღვთა და ენდოვასკულური ქირურგიის სერვისები:

• ათეროსკლეროზით გამოწვეული პერიფერიული სისხლძარღვოვანი პათოლოგიების
მკურნალობა;
• სისხლძარღვოვანი ეტიოლოგიის ტროფიკული წყლულების მკურნალობა;
• დიაბეტური ტერფის დიაგნოსტიკა და მკურნალობის თანამედროვე (მინიინვაზიური)
მეთოდები;
• მაგისტრალური სისხლძარღვების ანევრიზმების ქირურგიული და ენდოვასკულური
მკურნალობა;
• საძილე არტერიების შევიწროვებით გამოწვეული ინსულტის მართვა;
• ღრმა და ზედაპირული ვენების დიაგნოსტიკა, თანდაყოლილი და შეძენილი
პათოლოგიების გამოვლენა, მკურნალობა;
• ენდოვენური (უსისხლო) ოპერაციები (რადიოაბლაცია) ვენების ვარიკოზული
გაგანიერებისა და ვენური ტროფიკული წყლულების დროს;
• მინიფლებექტომია და ვარიკოზული წვრილი კაპილარული ქსელის სკლეროთერაპია.

კლინიკას გააჩნია თანამედროვე და მსოფლიოს წამყვან კლინიკებში ადაპტირებული ერთჯერადი სახარჯი მასალის ისეთი მარაგი, როგორიცაა სპეციალური წამლით დაფარული სტენტი და ბალონი, რამაც ბოლო პერიოდში მკურნალობის გამოსავალი უფრო წარმატებული და კეთილსაიმედო გახადა.

აღსანიშნავია, პაციენტის მართვაში მულტიპროფილური გუნდის მონაწილეობა, როგორიცაა დიაბეტური ტერფი სადაც სისხლძარღვთა ქირურგის გარდა, საჭიროებს ენდოკრინოლოგის, ნევროლოგის, ინფექციონისტის, მიკროქირურგისა და დერმატოლოგის ჩართულობას. სწორედ რომ, საჭიროების შემთხვევაში, მათი გუნდური მუშაობა განაპირობებს მკურნალობის დადებით გამოსავალს.

მნიშვნელოვან ფაქტორს წარმოადგენს, ანგიოლოგიის გუნდის მჭიდრო კონტაქტი უცხოელ კოლეგებთან, რომლებთან ერთადაც რთული და იშვიათი შემთხვევების განხილვა ხორციელდება. ამასთან, განყოფილების ექიმები ყოველწლიურად ესწრებიან საერთაშორისო კონფერენციებს, გადიან ტრენინგებს და ნერგავენ მკურნალობის თანამედროვე მეთოდებს.

კავკასიის მედიცინის ცენტრის ანგიოლოგიის განყოფილების მაღალკვალიფიციურ გუნდს ხელმძღვანელობს გიორგი ჯინჭველაძე.

Other Blogposts

ეპილეფსიის ქირურგია კავკასიის მედიცინის ცენტრში
Explore Now
ეპილეფსიის ქირურგია კავკასიის მედიცინის ცენტრში
08 November 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
Explore Now
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 October 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
Explore Now
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 October 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.