OOPS!
YOUR BROWSER IS NOT SUPPORTED
To view this page, please use one of these browsers
Blog

Blog

კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში

20 October 2022
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში

რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.

 

-რა არის კლინიკური ონკოლოგიური კვლევა?

- კლინიკური კვლევა არის სამეცნიერო კვლევა, რომელშიც პაციენტებს ნებაყოფლობით შეუძლიათ მონაწილეობის მიღება. მსოფლიოში აღნიშნული კვლევა ფართოდაა გავრცელებული და მასში ათიათასობით პაციენტია ჩართული. კლინიკური კვლევის ფარგლებში პაციენტები იღებენ მკურნალობის ოქროს სტანდარტსა და დამატებით საკვლევ პრეპარატს (უმეტესად, იმუნოთერაპიას, ტარგეტულ თერაპიასა და ვაქცინებს), რათა გაუმჯობესდეს არსებული მკურნალობის ეფექტი.

-ვის შეუძლია კლინიკურ ონკოლოგიურ კვლევებში მონაწილეობის მიღება და რატომ უნდა ჩაერთონ მასში პაციენტები?

-კლინიკურ ონკოლოგიურ კვლევებში ჩართვა შეუძლია ნებისმიერ ონკოპაციენტს, რომელიც აკმაყოფილებს კონკრეტული კვლევის ჩართვის კრიტერიუმებს. კვლევაში ჩართვის მიზეზი მდგომარეობს იმაში, რომ პაციენტებს ეძლევათ უნიკალური შანსი, გაუმჯობესონ მათი მკურნალობის შედეგი. ნებისმიერი სტანდარტული მკურნალობა, რომელიც გამოიყენება მსოფლიოს წამყვან კლინიკებში არის დღემდე ჩატარებული კლინიკური კვლევის შედეგზე დაფუძნებული. მეტიც, ზოგიერთი ონკოლოგიური დაავადების სრული განკურნება სწორედ ჩატარებული კლინიკური ონკოლოგიური კვლევების შედეგად მოხდა.

-რა რისკებთან და სარგებელთან ასოცირდება კლინიკური ონკოლოგიური კვლევები?

-პაციენტებს, რომლებიც მონაწილეობენ კლინიკურ კვლევაში, აქვთ შანსი მიიღონ ახალი მკურნალობა წლებით ადრე, ვიდრე ის გახდება ფართოდ გამოყენებადი და ყველასთვის ხელმისაწვდომი.

მიუხედავად იმისა, რომ ახალი მკურნალობა შესაძლოა მრავალი პაციენტისთვის იყოს ეფექტური და სასარგებლო, თქვენ შეიძლება არ აღმოგაჩნდეთ სასურველი ეფექტი. ამასთან, როგორც სხვა ნებისმიერ მკურნალობას, კვლევის მედიკამენტსაც შესაძლოა ჰქონდეს წამლისმიერი გვერდითი მოვლენები.

კლინიკური კვლევის ფარგლებში პაციენტების გვერდით მოვლენებსა და ასევე შედეგებზე დაკვირვება ხორციელდება საერთაშორისო სამედიცინო მონიტორინგის ქვეშ, საერთაშორისო სტანდარტების მიხედვით.

-არის თუ არა კლინიკურ ონკოლოგიურ კვლევაში მონაწილეობის მიღება უფასო?

-კვლევაში მონაწილეობა უფასოა. ასევე, სრულიად ფინანსდება რადიოლოგიური და ლაბორატორიული კვლევები, მაგალითად , კომპიუტერული და მაგნიტურ-რეზონანსული ტომოგრაფია, ყველა სახის ლაბორატორიული ანალიზი და მოლეკულური კვლევები.

-რატომ უნდა ავირჩიოთ კლინიკურ ონკოლოგიური კვლევების ჩასატარებლად კავკასიის მედიცინის ცენტრი?

-კლინიკური კვლევების სრულფასოვანი ჩატარებისთვის აუცილებელია, კლინიკა ფუნქციონირებდეს 24 საათის განმავლობაში. ამასთან, კავკასიის მედიცინის ცენტრი თანამედროვედ აღჭურვილია და ყველა პირობა გააჩნია კვლევის წარმოებისთვის. ონკოლოგიის განყოფილება დაკომპლექტებულია  გამოცდილი პროფესიონალებით, რომელთაც გავლილი აქვთ კლინიკური კვლევის ტრენინგები მსოფლიოს სხვადასხვა წამყვან კლინიკებში.

- რა მიღწევები აქვს კავკასიის მედიცინის ცენტრს კლინიკურ ონკოლოგიურ კვლევებში?

-მარტო 2022 წელს, ჩვენი კლინიკური კვლევის შედეგები წარდგენილი იყო შემდეგ საერთაშორისო კონფერენციებზე:

  • ამერიკის ონკოლოგთა ასოციაციის კონფერენცია - ჩიკაგო, აშშ;
  • ევროპის სამედიცინო ონკოლოგთა ასოციაციის ყოველწლიური კონგრესი -პარიზი, საფრანგეთი;
  • ძუძუს კიბოს კონფერენცია - ბერლინი, გერმანია.

Other Blogposts

ეპილეფსიის ქირურგია კავკასიის მედიცინის ცენტრში
Explore Now
ეპილეფსიის ქირურგია კავკასიის მედიცინის ცენტრში
08 November 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
Explore Now
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 October 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.
სარძევე ჯირკვლის კიბოს სკრინინგი
Explore Now
სარძევე ჯირკვლის კიბოს სკრინინგი
06 October 2022
მსოფლიოში ძუძუს კიბო ერთ-ერთი ყველაზე გავრცელებული დაავადებაა, შესაბამისად მაღალია დაავადების სიკვდილიანობის მაჩვენებელიც, რომლის ერთ-ერთი მთავარი მიზეზი დაგვიანებული დიაგნოსტიკაა. სწორედ ამიტომ, კავკასიის მედიცინის ცენტრი, გახსნის დღიდან, აქტიურადაა ჩართული ძუძუს კიბოს უფასო სკრინინგის სახელმწიფო პროგრამაში და პაციენტებს დაავადების პრევენციის ოპტიმალურ გზას სთავაზობს.