OOPS!
YOUR BROWSER IS NOT SUPPORTED
To view this page, please use one of these browsers
Blog

Blog

ინტერვიუ საქართველოს მორაგბეთა ეროვნული ნაკრების მთავარ ექიმთან, ნუცა შამათავასთან

17 December 2021
ინტერვიუ საქართველოს მორაგბეთა ეროვნული ნაკრების მთავარ ექიმთან, ნუცა შამათავასთან

2021 წლიდან, უკვე 7 თვეა, რაც ქართველი ბორჯღალოსნების ჯანმრთელობასა და რეაბილიტაციაზე კავკასიის მედიცინის ცენტრი ზრუნავს. რა როლი უჭირავს ჰოსპიტალს მორაგბეების ფიზიკურ მზაობაში და რატომ შეირჩა იგი სამედიცინო პარტნიორად? ამ თემებზე მორაგბეთა ეროვნული ნაკრების მთავარი ექიმი, ნუცა შამათავა გვესაუბრა.

რამდენად საპასუხისმგებლო და შრომატევადია მორაგბეთა ჯანმრთელობაზე ზრუნვა?

-        რაგბი კონტაქტური თამაშია, აქედან გამომდინარე შეიძლება ითქვას, რომ იგი ერთ-ერთი ყველაზე ტრავმული სპორტია. ძალიან დიდი მნიშვნელობა ენიჭება მორაგბეების ჯანმრთელობას, ვინაიდან მათი ფიზიკური მდგომარეობა ისახება თამაშის ხარისხზე. როდესაც ნაკრები შეკრებაზე იმყოფება, ჩვენ გვიწევს მოთამაშეების სწრაფი დიაგნოსტირება, პრობლემის მართვა და მათი რეაბილიტაცია. ნაკრების წევრებს უტარდებათ წინასაშეჯიბრო შემოწმება და მთელი წლის განმავლობაში სამედიცინო გუნდი ვზრუნავთ მათ ჯანმრთელობაზე.

რატომ კავკასიის მედიცინის ცენტრი?

-        კავკასიის მედიცინის ცენტრი ჩვენს ერთ-ერთ სამედიცინო პარტნიორად შევარჩიეთ მისი კვალიფიციური ექიმების გუნდის, მომსახურების მაღალი სტანდარტებისა და მაღალტექნოლოგიური კვლევების გამო.

რამდენად აკმაყოფილებს ცენტრი სტანდარტებს, რა მაღალტექნოლოგიურ კვლევებს გთავაზობთ ჰოსპიტალი და რა როლი უჭირავს კვალიფიციურ ექიმებს მორაგბეების ჯანმრთელობის უზრუნველყოფაში?

-        რაგბიში, დიაგნოზის სწრაფად დასასმელად და შემდგომი მართვისთვის, ყველაზე ხშირად გვჭირდება ისეთი მაღალტექნოლოგიური კვლევები, როგორიცაა: მაგნიტურ-რეზონანსული ტომოგრაფია, კომპიუტერული ტომოგრაფია და რენტგენი. ხანდახან გვიწევს, ძალიან სწრაფად მივიღოთ გადაწყვეტილება შეძლებს თუ არა მოთამაშე ვარჯიშსა და თამაშს, ამაში კი კავკასიის მედიცინის ცენტრის მაღალკვალიფიციური რადიოლოგების გუნდი გვეხმარება. ხშირად გავდივართ კონსულტაციებს ქალბატონ სოფო მიქიაშვილთან, რომელიც საქართველოში ერთ-ერთი საუკეთესო რადიოლოგია  ძვალ-სახსროვანი სისტემის ტრავმების მიმართულებით.

გარდა ზემოთ თქმულისა, კიდევ რა ფაქტორები განაპირობებს იმას, რომ მორაგბეების ჯანმრთელობას ანდობთ კავკასიის მედიცინის ცენტრს?

-        კავკასიის მედიცინის ცენტრი არ არის მხოლოდ მაღალკვალიფიციური ექიმებისგან დაკომპლექტებული მულტიპროფილური კლინიკა, ეს არის ერთი დიდი ოჯახი, რომელიც მეგობრულად და გულისხმიერებით უდგება ყველა საკითხს, დაუყოვნებლივ და შეცდომების გარეშე გვაწვდის ზუსტად იმ მომსახურებას, რაც გვჭირდება, ეს კი ჩვენთვის და ჩვენი მორაგბეებისთვის  უმნიშვნელოვანესია. გარდა ამისა, კავკასიის მედიცინის ცენტრი გვეხმარება ჩვენი უცხოელი, სტუმარი გუნდების ჯანმრთელობის უზრუნველყოფაშიც.

Other Blogposts

ეპილეფსიის ქირურგია კავკასიის მედიცინის ცენტრში
Explore Now
ეპილეფსიის ქირურგია კავკასიის მედიცინის ცენტრში
08 November 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
Explore Now
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 October 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
Explore Now
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 October 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.