OOPS!
YOUR BROWSER IS NOT SUPPORTED
To view this page, please use one of these browsers
ბლოგპოსტი

ბლოგპოსტი

ჯანმრთელობის სკრინინგ-ცენტრის უპირატესობები

15 ნოემბერი 2021
ჯანმრთელობის სკრინინგ-ცენტრის უპირატესობები
კავკასიის მედიცინის ცენტრი მნიშვნელოვან როლს ასრულებს სკრინინგის ცენტრის განვითარებაში. აქ მრავალი დაავადების საწყისი სტადიის დიაგნოსტირება ულტრათანამედროვე, მაღალტექნოლოგიური აპარატებით ხორციელდება, რომელთა ცდომილება მინიმუმამდეა დაყვანილი. ასევე ჰოსპიტლის სკრინინგ ცენტრის უპირატესობას წარმოადგენს მულტიპროფილური ექიმების გუნდი, რომელთა ერთობლივი ჩარევით წყდება დიაგნოსტირების შემდგომ, პაციენტის მკურნალობის საკითხი.

კავკასიის მედიცინის ცენტრის უფასო სკრინინგ პროგრამები მოიცავს:

  • ძუძუს კიბოს სკრინინგს 40-დან 70 წლამდე ასაკის ქალბატონებისთვის, რისთვისაც ხორციელდება: მამოგრაფია - ულტრათანამედროვე 2D აპარატით, ულტრასონოგრაფია და, საჭიროების შემთხვევაში, ბიოფსია;
  • საშვილოსნოს ყელის კიბოს სკრინინგს 25-დან 60 წლამდე ასაკის ქალბატონებისთვის (რომელიც, პოპულაციაში ძუძუს კიბოს შემდეგ გავრცელების მიხედვით მეორე ადგილზეა) პაპ-ტესტის, ასევე კოლპოსკოპიისა და, საჭიროების შემთვევაში, ბიოფიის გამოყენებით

ასევე აღსანიშნავია, ფარისებრი ჯირკვლის კიბოს მართვის პროგრამა, რომელიც ახლად დანერგილია და 25-დან 60 წლამდე ასაკის ქალბატონებს სთავაზობს პირველად-ულტრაბგერით კვლევას, ფარისებრი ჯირკვლის ჰორმონების გამოკვლევასა და, ჩვენების შემთხვევაში, ბიოფსიას.

განსაკუთრებულ ყურადღებას იპყრობს ის ფაქტი, რომ კავკასიის მედიცინის ცენტრი ერთადერთი ჰოსპიტალია ამიერკავკასიაში, რომელიც ქალბატონებს ABUS-ის (automated breast ultrasound) 3D აპარატით ძუძუს ავტომატურ ულტრასონოგრაფიულ კვლევას სთავაზობს. მისი მეშვეობით შესაძლებელია მინიმალური დაზიანების აღმოჩენა და ავთვისებიანი და კეთილთვისებიანი პათოლოგიების თავდაპირველი დიფერენცირება. აპარატი წარმოადგენს ულტრათანამედროვე ტექნოლოგიას, რომელშიც ინტეგრირებული ხელოვნური ინტელექტი აანალიზებს კვლევის შედეგებს. გარდა ამისა, უახლესი აპარატით შესაძლებელია სარძევე ჯირკვლის ზედმიწევნით, სრულყოფილი დათვალიერება და სხვადასხვა ჭრილიდან 900-მდე მაღალი ხარისხის გამოსახულების მიღება. ამასთან, შესაძლებელია მონაცემების სისტემატიზაცია ( შენახვა და გადაგზავნა), რაც განსაკუთრებით ხელსაყრელია დინამიკაში დაკვირვებისთვის. ABUS-ის აპარატს არ აქვს ასაკობრივი შეზღუდვა და მარტივად ხელმისაწვდომია მომხმარებლებისთვის.

დიაგნოსტირების შემდეგ პაციენტებს ჰოსპიტლის სპეციალისტები უწევენ კვალიფიციურ კონსულტაციას და უნიშნავენ მკურნალობის კურსს. კავკასიის მედიცინის ცენტრის სკრინინგ ცენტრის ხელმძღვანელი, მედიცინის აკადემიური დოქტორი, რადიოლოგი, ეკატერინე შველიძეა. ჯანმრთელობის სკრინინგ პაკეტებს მართავს „ევექსი“-ის რეზიდენტურისა და ოჯახის ექიმთა გადამზადების პროგრამის მთავარი ტრენერი, რუსუდან ჯოჯუა. ცენტრი ასევე დაკომპლექტებულია ახალი, მაღალკვალიფიციური ექიმებით, მათ შორისაა მამოლოგი, გიორგი კეჭეყმაძე და ონკოგინეკოლოგი, არჩილ შარაშენიძე.

პრევენციული მედიცინის მიზანი ჯანმრთელი პოპულაციის გამოკვლევაა, რათა დროულად იქნას აღმოჩენილი მინიმალური დაზიანება და დაიგეგმოს ეფექტური მკურნალობა. მსოფლიო სტატისტიკით სკრინიგ პროგრამებში ჩართულობის შედეგად 30 %-ით შემცირდა ძუძუს კიბოთი გამოწვეული სიკვდილიანობა, ხოლო ადრეულ სტადიაზე დაავადების დიაგნოსტირება 98 %- ში იწვევს დაავადების სრულად განკურნებას. საქართველოში პრევენციული მედიცინის განვითარებაში კავკასიის მედიცინის ცენტრს მნიშვნელოვანი წვლილი შეაქვს ულტრათანამედროვე ტექნოლოგიების დანერგვითა და მულტიპროფილური, მაღალკვალიფიციური გუნდის ერთობლივი მუშაობით.

სხვა ბლოგები

ეპილეფსიის ქირურგია კავკასიის მედიცინის ცენტრში
იხილეთ მეტი
ეპილეფსიის ქირურგია კავკასიის მედიცინის ცენტრში
08 ნოემბერი 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
იხილეთ მეტი
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 ოქტომბერი 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
იხილეთ მეტი
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 ოქტომბერი 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.