OOPS!
YOUR BROWSER IS NOT SUPPORTED
To view this page, please use one of these browsers
სიახლე

სიახლე

კლინიკური ონკოლოგიის ცენტრი კავკასიის მედიცინის ცენტრში პაციენტებს მულტიდისციპლინურ მკურნალობას სთავაზობს

21 აპრილი 2021
კლინიკური ონკოლოგიის ცენტრი კავკასიის მედიცინის ცენტრში პაციენტებს მულტიდისციპლინურ მკურნალობას სთავაზობს
კავკასიის მედიცინის ცენტრში კლინიკური ონკოლოგიის ცენტრი შეიქმნა, რომელიც ექიმებისა და ექთნების ახალი და მძლავრი გუნდით არის დაკომპლექტებული. ონკოლოგიურ პაციენტებს ჰოსპიტალში მულტიდისციპლინური გუნდი ემსახურება. სხვადასხვა დარგის მაღალკვალიფიციური სპეციალისტები მკურნალობის პროცესში საჭიროების შესაბამისად ერთვებიან. მიმართულებას დასავლური გამოცდილების მქონე ონკოლოგი, ივანე კილაძე ხელმძღვანელობს, რომელიც კავკასიის მედიცინის ცენტრს საკუთარი გუნდით შეუერთდა.

განყოფილება ონკოპაციენტებს მომსახურების სრულ სპექტრს სთავაზობს. კლინიკური ონკოლოგი პაციენტის მკურნალობაში მისი დიაგნოსტირებიდან მკურნალობის ყველა ეტაპზეა ჩართული. ის პასუხისმგებელია როგორც ტაქტიკის განსაზღვრასა და პროცესის სრულ მართვაზე, ასევე - მდგომარეობის მუდმივ კონტროლსა და მკურნალობისშემდგომ მონიტორინგზე, თუმცა პაციენტის მკურნალობის სხვადასხვა ეტაპზე გადაწყვეტილების მიღება სხვადასხვა დარგის ექიმების ერთობლივი მუშაობით ხდება.

აღსანიშნავია, რომ ონკოლოგიის ცენტრი აქტიურად თანამშრომლობს კორპორაციაში არსებულ - ონკოლოგია/ჰემატოლოგიის სამედიცინო ექსპერტთა საბჭოსთან (clinical board), რომლის თავჯდომარე დანიაში მოღვაწე ონკოლოგი, ზაზა უჯმაჯურიძეა. კლინიკური ბორდები საქართველოსა და უცხოეთში მოღვაწე წარმატებულ ქართველ ექიმებს აერთიანებს და სხვა მნიშვნელოვან ფუნქციებთან ერთად რთული სამედიცინო შემთხვევების განხილვას უზრუნველყოფს.

კლინიკური ონკოლოგიის ცენტრი ასევე თანამშრომლობს ჰოლანდიის წამყვან ლაბორატორიასთან, სადაც, საჭიროების შემთხვევაში, პათომორფოლოგების კონსულიუმი იმართება და რთული შემთხვევების განხილვა ხდება. პროცესს ევროპაში მოღვაწე ქართველი პათოლოგ-ანატომი, ევექსის პათოლოგიის მიმართულების უფროსი, ალექსი ბაიდოშვილი ხელმძღვანელობს.

გარდა ამისა, კავკასიის მედიცინის ცენტრში დანერგილია ფსიქოლოგიური მხარდაჭერის სერვისიც, რაც ონკოლოგიურ პაციენტებში უმნიშვნელოვანეს ფაქტორს წარმოადგებს. პერსონალური კოორდინატორი კი, სურვილის შემთხვევაში, პაციენტების გეგმიურ ვიზიტებსა და კვლევებთან დაკავშირებულ ორგანიზაციულ საკითხებს უზრუნველყოფს.

სხვა სიახლეები

ვენების ვარიკოზული დაავადებების სამკურნალო უსაფრთხო, მაღალეფექტური და უმტკივნეულო მეთოდი
.
გაიგეთ მეტი
ვენების ვარიკოზული დაავადებების სამკურნალო უსაფრთხო, მაღალეფექტური და უმტკივნეულო მეთოდი
28 აპრილი 2022
კავკასიის მედიცინის ცენტრი პაციენტებს ვენების ვარიკოზული დაავადებების სამკურნალოდ უსაფრთხო, მაღალეფექტურსა და უმტკივნეულო მეთოდს - რადიოტალღოვან აბლაციას სთავაზობს.
მსოფლიო ნეირომეცნიერების ჟურნალი (SCIRP) ქართველი ნეიროქირურგების სამედიცინო წარმატების შესახებ
.
გაიგეთ მეტი
მსოფლიო ნეირომეცნიერების ჟურნალი (SCIRP) ქართველი ნეიროქირურგების სამედიცინო წარმატების შესახებ
15 აპრილი 2022
მსოფლიო ნეირომეცნიერების ჟურნალში (SCIRP) ქართველი ნეიროქირურგების სამედიცინო მოღვაწეობის, მათი პრაქტიკული საქმიანობისა და წარმატების შესახებ სტატია გამოქვეყნდა.
მსოფლიო დონის თორაკოქირურგის უნიკალური ოპერაციები კავკასიის მედიცინის ცენტრში და პირდაპირი ტრანსლირება საოპერაციო ბლოკიდან
.
გაიგეთ მეტი
მსოფლიო დონის თორაკოქირურგის უნიკალური ოპერაციები კავკასიის მედიცინის ცენტრში და პირდაპირი ტრანსლირება საოპერაციო ბლოკიდან
27 იანვარი 2022
25 იანვარს კავკასიის მედიცინის ცენტრს ცნობილი თორაკოქირურგი, დიეგო გონსალეს რივასი ეწვია. ვიზიტის ფარგლებში სპეციალისტმა საქართველოში პირველად ჩაატარა რამდენიმე უნიკალური ოპერაცია და ქართველი კოლეგებისთვის თორაკოქირურგიაში უახლესი მეთოდის - უნიპორტალური მიდგომის მასტერკლასი გამართა.