კრიტიკული მედიცინისა და ინტენსიური თერაპიის დეპარტამენტი
კავკასიის მედიცინის ცენტრის კრიტიკული მედიცინისა და ინტენსიური თერაპიის დეპარტამენტი აკრედიტებულია JCI - ის, ამერიკის ჯანდაცვის აკრედიტაციის უმაღლესი ორგანოს მიერ. დეპარტამენტი დაკომპლექტებულია მაღალკვალიფიციური სამედიცინო პერსონალით, აღჭურვილია ყველა საჭირო, თანამედროვე აპარატურით და შესაბამისად, უზრუნველყოფს კრიტიკული, მძიმე და საყურადღებო პაციენტების 24/7 - ზე რეჟიმში მართვას.
დეპარტამენტში წარმატებით ხორციელდება:
- მწვავე ნეიროქირურგიული შემთხვევების მართვა;
- მძიმე პოლიტრავმების მართვა;
- თირკმლის უკმარისობის მართვა, მათ შორის, თირკმლის ჩანაცვლებითი თერაპიის - ჰემოდიალიზის გამოყენებით;
- სეფსისის მართვა;
- რესპირატორული დისტრეს სინდრომის მართვა (სუნთქვის უკმარისობა და ფილტვებში ჟანგბადის ცირკულაციის დარღვევა);
- სუნთქვის უკმარისობის მართვა;
- ყველა სახის შოკის მართვა;
- ინტოქსიკაციების მართვა;
- ნევროლოგიური პათოლოგიების კრიტიკული მდგომარეობების მართვა, მათ შორის: ინსულტი, პოლინეიროპათია, ენცეფალოპათია, დელირიუმი და ა.შ
დეპარტამენტი აღჭურვილია პაციენტის მართვისთვის არსებული საჭირო თანამედროვე აპარატურით:
- ხელოვნური სუნთქვის აპარატი, ყველა თანამედროვე სასუნთქი რეჟიმით;
- ინფუზომატები;
- ICP მონიტორი;
- სპექტრალური მონიტორი;
- დეფიბრილატორი;
- ჰემოდიალიზის აპარატი;
- ინვაზიური და არაინვაზიური მონიტორები;
- ბრონქოსკოპი, ვიდეო ლარინგოსკოპი;
- კაპნომეტრი.
