გასტროენტეროლოგიური დაავადებების ცენტრი სრულ ამბულატორიულ-დიაგნოსტიკურ მომსახურებას ერთ სივრცეში, კომფორტულ გარემოში სთავაზობს პაციენტებს. უმაღლესი დონის ინსტრუმენტულ-ლაბორატორიული დიაგნოსტიკური აპარატურით აღჭურვილ ჰოსპიტალში შემდეგი მომსახურების მიღებაა შესაძლებელი:

გასტროენტეროლოგის კონსულტაცია;
ნუტრიციული სტატუსის შეფასება;
ზოგადი ქირურგის კონსულტაცია;
პროქტოლოგის კონსულტაცია;
პროქტოლოგიური პროცედურები;
სრული ენდოსკოპიური სერვისი (გასტროსკოპია, კოლონოსკოპია);

ნუტრიციული სტატუსის შეფასების შემდეგ ხორციელდება სამკურნალო კვებითი რეჟიმის ინდივიდუალური შემუშავება და პაციენტის ცხოვრების წესზე მორგება, რაც მნიშვნელოვან ფაქტორს წარმოადგენს გასტროენტეროლოგიური პრობლემების მკურნალობის ხანგრძლივ პროცესში. გარდა ზოგადი სერვისებისა, ცენტრში შესაძლებელია ისეთი იშვიათი და საჭირო სერვისების მიღება, როგორიცაა:

სხვადასხვა პროქტოლოგიური პროცედურა, მათ შორის ჰემოროის კვანძების ლიზირება ე.წ. უსისხლო მეთოდით;
სწორ ნაწლავზე ამბულატორიულ რეჟიმში ჩარევა, მათ შორის სწორი ნაწლავის ნახეთქების ბოტოქს-თერაპია;
კუჭის ბოტოქსის პროცედურები წონის კორექციისა თუ სხვადასხვა ქრონიკული დაავადების მკურნალობისთვის.

აღნიშნული პროცედურების ჩატარება გასტროენტეროლოგიური დაავადებების ცენტრში ანესთეზიის ქვეშ არის შესაძლებელი. ჰოსპიტალი აღჭურვილია უმაღლესი დონის ინსტრუმენტულ-ლაბორატორიული დიაგნოსტიკური აპარატურის სრული სპექტრით და დაკომპლექტებულია დასავლური გამოცდილების მქონე მაღალკვალიფიციური ექიმების გუნდით, რომელთაც კუჭ-ნაწლავის ტრაქტის სხვადასხვა სახის ქირურგიული მკურნალობის (ჩარევები ნაღვლის ბუშტზე, მსხვილ ნაწლავზე, ღვიძლზე, პანკრეასზე, სხვადასხვა სახის თიაქრის კორექცია და სხვა) მრავალწლიანი გამოცდილება გააჩნიათ. აღსანიშნავია ბარიატრიული ოპერაციების უდიდესი წარმატებაც. აღნიშნულ მიმართულებას ჰოსპიტალში ლექსო ლაგვილავა და ოლეგ ქოიავა ხელმძღვანელობენ.

მონიკა შეროზია

მედიცინის აკადემიური დოქტორი, გასტროენტეროლოგ-ენდოსკოპისტი

ექიმთან დაკავშირებული სერვისები

გასტროენტეროლოგიის ცენტრი