ექიმის შესახებ
ექიმი ტრავმატოლოგ-ორთოპედი გიორგი გოგიტიძე 2018 წლიდან შემოუერთდა კავკასიის მედიცინის ცენტრის მაღალკვალიფიციური ექიმების გუნდს და წარმატებით ხელმძღვანელობს ტრავმატოლოგია/ორთოპედიის დეპარტამენტს.
გარდა ორთპედია-ტრავმატოლოგიისა, იგი ართროსკოპიული ქირურგიის სუბსპეციალობაშია ლიცენზირებული. ამავდროულად, უკანასკნელი მიმართულებით (ართროსკოპია) მან გაიარა შემსწავლელი კურსი სტამბულში, ხოლო ვორქშოფი - მიუნხენში. ამასთან, მისი საერთაშორისო გამოცდილება ტრავმატოლოგიაში მოიცავს მკურნალობის სხვადასხვა სასწავლო პროგრამას, მაგალითად: პირველადი და მეორადი მენჯ-ბარძაყისა და მუხლის სახსრის ენდოპროთეზირებების სასწავლო კურსი (ბულგარეთი); მუხლისა და ბარძაყის რთული მოტეხილობების სასწავლო კურსი (მადრიდი) და ა.შ
იგი აქტიურად მონაწილეობს საერთაშორისო კონფერენციებსა და კონგრესებში, ესწრება მნიშვნელოვან ვებინარებს და მისი საქმიანობიდან გამომდინარე არის შემდეგი ორგანიზაციების წევრი:
- საქართველოს ტრავმატოლოგთა ასოციაცია;
- AO FOUNDATION (ფონდი);
- AAOS - ამერიკის ორთოპედიულ ქირურგთა აკადემია;
- SICOT - ორთოპედიისა და ტრავმატოლოგიის საერთაშორისო საზოგადოება.
ტრავმატოლოგ-ორთოპედი, გიორგი გოგიტიძე წელიწადში საშუალოდ 1500-1600 ამბულატორიულ პაციენტს ემსახურება და 300-350 ოპერაციულ მკურნალობას ახორციელებს და გვთავაზობს:
- სხვადასხვა ძვალ-სახსროვანი დაზიანებების ოპერაციულ და არაოპერაციულ მკურნალობას;
- მსხვილი სახსრების პირველად და მეორად ენდოპროთეზირებას თანამედროვე მიდგომებითა და იმპლანტებით;
- ყველა სახისა და სირთულის მწვავე მოტეხილობების თანამედროვე მეთოდებითა და იმპლანტებით მკურნალობას (ოსტეოსინთეზი მინი ინვაზიური მეთოდებით);
- სპორტული მედიცინის მიმართულებით - ართროსკოპიულ მინი ინვაზიურ ოპერაციულ ჩარევებს მუხლისა და კოჭ-წვივის სახსარზე;
- რეკონსტრუქციულ ორთოპედიას - შეხორცებული მოტეხილობების ოპერაციულ მკურნალობას; კიდურის დაგრძელებას; რთული მოტეხილობების ნარჩენი და გართულებული შემთხვევების ოპერაციულ მკურნალობას.