OOPS!
YOUR BROWSER IS NOT SUPPORTED
To view this page, please use one of these browsers
ბლოგპოსტი

ბლოგპოსტი

კლინიკური ხარისხის გაძლიერების პროცესები კავკასიის მედიცინის ცენტრში

20 ოქტომბერი 2020
კლინიკური ხარისხის გაძლიერების პროცესები კავკასიის მედიცინის ცენტრში
ერთ-ერთი ქვაკუთხედი, რომელსაც ნებისმიერი საქმიანობა ეყრდნობა, ხარისხია. სამედიცინო სფერო კი ის მიმართულებაა, რომლის მაღალი ხარისხი ადამიანების ჯანმრთელობასა და სიცოცხლის შენარჩუნებას განაპირობებს როგორც კლინიკური მართვის, ისე - მომსახურების მხრივ. სწორედ ხარისხის მუდმივი კონტროლი, გაძლიერება და გაუმჯობესებაა ევექსი ჰოსპიტლების ერთ-ერთი პრიორიტეტი, რის მისაღწევადაც ჰოსპიტალურ ქსელში მნიშვნელოვანი ღონისძიებები ხორციელდება.

ევექსი ჰოსპიტლები სამედიცინო მომსახურების ხარისხის გაძლიერების მიმართულებით დაარსების დღიდან მუშაობს, თუმცა გასულ წელს პროცესმა პროექტის სახე მიიღო და 7 საპილოტე ჰოსპიტალში, მათ შორის კავკასიის მედიცინის ცენტრში სამედიცინო ხარისხისა და პაციენტთა უსაფრთხოების ხარისხის გუნდები შეიქმნა, რომლის მთავარ ფუნქციასაც კლინიკური ხარისხის მართვა და გაუმჯობესება წარმოადგენს. აღნიშნულ სამსახურს კავკასიის მედიცინის ცენტრში ხათუნა კეკელაშვილი ხელმძღვანელობს.

„ხარისხის გაუმჯობესება, პირველ რიგში, გუნდის განახლებითა და გაძლიერებით დავიწყეთ. განხორციელდა ასევე გარკვეული სტრუქტურების ჩამოყალიბება, მათი საქმიანობების ურთიერთკოორდინირება, ერთიანი ხედვისა და ნათელი გეგმების დასახვა და სხვა. პროცესში, თავის მხრივ, ჰოსპიტლის ყველა მიმართულებაა ჩართული, რაც პროექტის მართვის თვალსაზრისით ძალიან მნიშვნელოვანია. კოორდინირებული მოქმედება და სხვადასხვა სტრუქტურული ერთეულის საქმიანობის გაზიარება კი უკეთესი შედეგის გარანტიას გვაძლევს.

ამ პროცესში უდიდეს მხარდაჭერას ვგრძნობთ ჰოსპიტალური ქსელის სათავო ოფისის მხრიდან. მიუხედავად პროცესების დეცენტრალიზაციისა და დელეგირებისა, სათავო ოფისის ხარისხის დეპარტამენტი აქტიურად არის ჩართული ჰოსპიტლების ხარისხის გუნდების საქმიანობაში. ხორციელდება მუდმივი უკუკავშირი და რეპორტინგი. ქსელში დანერგილი კლინიკური გაუმჯობესების პროექტში ეს პროცესები კონკრეტულ რიცხვებსა და პროცენტებშია ასახული, რაც საშუალებას გვაძლევს, ერთი მხრივ, გავაანალიზოთ, რა ეტაპზე ვართ, როგორ მიმდინარეობს ხარისხის გაუმჯობესების პროცესი და რამდენად მოქნილად მივყვებით ერთიან სტრუქტურას, მეორე მხრივ კი მივიღოთ დროული და ადექვატური რეკომენდაციები. ეს ყველაფერი მომავალი ღონისძიებების სწორად დაგეგმვის შესაძლებლობას გვაძლევს, რასაც ამ პროცესში უდიდესი მნიშვნელობა ენიჭება.

აღსანიშნავია ისიც, რომ ჩვენ ზედმიწევნით ვადევნებთ თვალ-ყურს კლინიკური ხარისხის ინდიკატორებს, რომელიც, საბოლოო ჯამში, ჩვენი ჰოსპიტლისა და მთელი ქსელის საქმიანობის განმსაზღვრელია. ვცდილობთ, დავნერგოთ მტკიცებითი მედიცინის ყველა ის ასპექტი, რომელიც საბოლოო შედეგამდე წარმატებით მიგვიყვანს. ამ დრომდე განხორციელებული ღონისძიებების შედეგი კი დიდია: ერთიანი სტანდარტის დანერგვითა და პროცესების დაუღალავი მონიტორინგით თამამად შეიძლება ითქვას, რომ დღეის მდგომარეობით კავკასიის მედიცინის ცენტრში სამედიცინო მომსახურების ხარისხი კიდევ უფრო მეტად არის გაძლიერებული. ჩვენი მიზანიც ხომ სწორედ ეს გახლავთ: მივაწოდოთ პაციენტებს საუკეთესო სამედიცინო მომსახურება და კლინიკურად მაღალი ხარისხი.“

ხათუნა კეკელაშვილი - კავკასიის მედიცინის ცენტრის ხარისხის დირექტორი

სხვა ბლოგები

ეპილეფსიის ქირურგია კავკასიის მედიცინის ცენტრში
იხილეთ მეტი
ეპილეფსიის ქირურგია კავკასიის მედიცინის ცენტრში
08 ნოემბერი 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
იხილეთ მეტი
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 ოქტომბერი 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
იხილეთ მეტი
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 ოქტომბერი 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.