ორთოპედია-ტრავმატოლოგიის ცენტრში პაციენტებისთვის ხელმისაწვდომია ამბულატორიულ-დიაგნოსტიკური და სტაციონარული მომსახურების სრული სპექტრი.

გამოცდილი ექიმები მსოფლიოს სხვადასხვა ტრავმატოლოგიური ასოციაციის წევრები არიან და მუდმივად ეცნობიან და ნერგავენ უახლესი საერთაშორისო გაიდლაინების მიხედვით გათვალისწინებულ მკურნალობის მეთოდებს, ცენტრში ხელმისაწვდომია საყრდენ-მამოძრავებელი სისტემის ნებისმიერი ლოკალიზაციისა და სიმძიმის ტრავმული დაზიანებებისა (ტარდება ყველანაირი ტიპის ოპერაცია) და დაავადებების მკურნალობა.

დიაგნოსტიკურ კვლევებიდან ტარდება როგორც ლაბორატორიული, ისე ინსტრუმენტული კვლევები, კერძოდ:

რენტგენი;
მაგნიტურ რეზონანსული ტომოგრაფია;
კომპიუტერული ტომოგრაფია;
ულტრასონოგრაფია;

ტრავმატოლოგიური მომსახურებები:

მხრის სარტყლის, კიდურებისა და მენჯის ყველა სახის მოტეხილობის კონსერვატიული და ოპერაციული მკურნალობა თანამედროვე საფიქსაციო იმპლანტებითა და მეთოდებით;
შეუხორცებელი მოტეხილობების, ყალბი სახსრების, ტრავმის შემდგომი და ორთოპედიული დეფორმაციების ოპერაციული მკურნალობა პლასტიკით და ძვლოვანი ქსოვილის ტრანსპლანტაციით, კიდურის დაგრძელებით;
მყეს - კუნთოვანი მწვავე და ხანდაზმული (მხრის, წინამხრის, ბარძაყის, წვივის, აქილევსის მყესის და სხვა) დაზიანებების ოპერაციული მკურნალობა პლასტიკით;
ტერფის დეფორმაციის (ბრტყელი ტერფი, I თითის დეფორმაცია „ჰალუქს ვალგუსი“, ქუსლის „დეზი“ და სხვა) კონსერვატიული და ოპერაციული კორექცია;
მენჯ-ბარძაყისა და მუხლის სახსრის ენდოპროთეზირება/რეენდოპროთეზირება ევროპული და ამერიკული წარმოების ბრენდირებული იმპლანტებით;
ართროზების კონსერვატიული მკურნალობა სახსარშიდა ინექციებით (მხრის, იდაყვის, მენჯ-ბარძაყის, მუხლის, კოჭ-წვივის და სხვა);
მინი ინვაზიური - სხადასხვა ლოკალიზაციის ართროსკოპიული ოპერაციები;
საყრდენ-მამოძრავებელი სისტემის ნებისმიერი ლოკალიზაციის ინფექციური გართულებების – მწვავე და ქრონიკული ოსტეომიელიტის, ორთოპედიულ და ტრავმატოლოგიურ იმპლანტ-ასოცირებული (ენდოპროთეზირებისა და ოსტეოსინთეზის შემდგომი) ინფექციური გართულებების, სეპტიური ართრიტების - როგორც კონსერვატიული, ასევე ქირურგიული მკურნალობა;

პაციენტს, სურვილისამებრ, სპეციალისტთან ერთად შეუძლია ნებისმიერი ფირმის წარმოების საფიქსაციო იმპლანტის შერჩევა.

აგრეთვე, ცენტრში მოქმედებს სპორტული ტრავმის მიმართულებაც, სადაც პროფესიონალი სპორტსმენების ტრავმული დაზიანებების დიაგნოსტიკა, მკურნალობა და რეაბილიტაცია ხორციელდება.

ორთოპედია-ტრავმატოლოგიის ცენტრი