კავკასიის მედიცინის ცენტრის თორაკოქირურგიის ცენტრი გულმკერდის პათოლოგიური დარღვევების როგორც გეგმიურ, ისე გადაუდებელ მართვას სთავაზობს პაციენტებს.

თორაკოქირურგიის ცენტრი დაკომპლექტებულია გამოცდილი ექიმების გუნდით, რომელიც ხშირად ესწრება ადგილობრივ და საერთაშორისო კონფერენციებსა თუ კონგრესებს, მუდმივად ეცნობა თანამედროვე მედიცინის სიახლეებს და ხელმძღვანელობს საერთაშორისო პროტოკოლებით.

დიაგნოსტიკური კვლევები

ცენტრში გამოიყენება გამოკვლევის ისეთი მეთოდები, როგორიცაა:

ვიდეომედიასტინოსკოპია (მინი ინვაზიური პროცედურა, შუასაყრის ლიმფური კვანძების პათოლოგიის დიაგნოსტირება) - მისი მეშვეობით შესაძლებელია სიმსივნეების ადრეული სტადიისა და ლიმფადენოპათიის აღმოჩენა;
თორაკოსკოპიული ბიოფსია.

თორაკოქირურგიის ცენტრის მომსახურებები

გულმკერდის პათოლოგიების მცირე ინვაზიური თორაკოსკოპიული მკურნალობა;
გულმკერდის ღია და დახურული ტრავმების მკურნალობა;
შუასაყრის დაზიანებების მკურნალობა;
ყველა სახის პნევმოთორაქსის, ჰემოთორაქსისა და ჰიდროთორაქსის თორაკოსკოპიული მკურნალობა;
გულმკერდის თანდაყოლილი დეფორმაციების მკურნალობა;
ფილტვის, შუასაყრისა და პლევრის დაავადებების როგორც ღია, ასევე თორაკოსკოპიული წესით მკურნალობა;
ემპიემების (ჩირქგროვა) და პნევმონიის შემდგომი პლევრიტების თორაკოსკოპიული მკურნალობა (გულმკერდის ღრუში შემოფარგლული სითხური კოლექციების დაშლა, ამოკვეთა თორაკოსკოპიული მეთოდით);

ამასთან, კავკასიის მედიცინის ცენტრში, ხორციელდება ფილტვის ავთვისებიანი სიმსივნეების თორაკოსკოპიული მკურნალობა უნიპორტალური თორაკოსკოპიული მიდგომებით (მცირე ერთი 2,5 - 5 სმ-იანი განაკვეთით), რომელიც ღია ქირურგიულ ჩარევასთან შედარებით ისეთი უპირატესობებით სარგებლობს, როგორიცაა: რეაბილიტაციის ხანმოკლე პერიოდი, პოსტოპერაციული ტკივილის შემცირება, დადებითი კოსმეტიკური ეფექტი და ხანმოკლე ჰოსპიტალიზაციის პერიოდი.

საყურადღებო სიმპტომები

პათოლოგიის აღმოჩენისა და ეფექტური მართვის მიზნით, სასურველია შემდეგი სიმპტომების არსებობისას დროულად მიმართოთ ექიმს:

სუნთქვის უკმარისობა;
ტკივილი გულმკერდის მიდამოში;
სისხლიანი ხველა;
წონის აუხსნელი კლება;
საერთო სისუტე.

ამასთან, პრევენციისთვის მიზანშეწონილია ნიკოტინის შემცველი ან ჩამნაცვლებელი პროდუქტების მოხმარების შეწყვეტა. აგრეთვე, 45 წლის ასაკიდან, სასურველია გულმკერდის რენტგენოგრაფია მწეველი და ონკოლოგიური ისტორიის მქონე პაციენტებისთვის.

თორაკალური ქირურგიის ცენტრი