OOPS!
YOUR BROWSER IS NOT SUPPORTED
To view this page, please use one of these browsers
ბლოგპოსტი

ბლოგპოსტი

როგორ გავუფრთხილდეთ მხედველობას?

02 სექტემბერი 2019
როგორ გავუფრთხილდეთ მხედველობას?

როგორ გავუფრთხილდეთ მხედველობას? 

ციფრული ტექნოლოგიების ეპოქაში სულ უფრო და უფრო მეტ დროს ვატარებთ ცისფერი ეკრანების, პერსონალური კომპიუტერებისა თუ სმარტფონების წინ. ასეთ დროს, ზოგჯერ, სრულიად მოულოდნელად აღმოვაჩენთ ხოლმე, რომ ის, რასაც ასე გულმოდგინედ ჩავცქერით, ჩვენ თვალწინ ჯერ ოდნავ ბაცდება, იმღვრევა, თვალსაც აგვიწყლიანებს და ნელ-ნელა გამოსახულების სრულყოფილი აღქმის უნარს ვკარგავთ. 

ასე შემოდის ჩვენს ცხოვრებაში მხედველობასთან დაკავშირებული პრობლემები, რომელთან გამკლავებაც თანამედროვე ოფთალმოლოგიის საქმეა. ზოგადად, ოფთალმოლოგია მხედველობასთან დაკავშირებულ საკითხებს შეისწავლის და თვალის დაავადებების პრევენციასა და შემდგომ მკურნალობაში გვეხმარება. 

თუ მართლაც ბევრ დროს ატარებთ ტელევიზორის წინ, ღამეებს ათევთ კომპიუტერთან მუშაობისას ან ისე გიყვართ წიგნების კითხვა, რომ ტრანსპორტით მგზავრობისასაც არ კარგავთ დროს, სასურველია, გარკვეული პერიოდულობით მიაკითხოთ ოფთალმოლოგს კონსულტაციისთვის. თვალის დაავადებების დიაგნოსტიკა ანთებით და ალერგიულ პროცესებსაც გამოავლენს და მხედველობის უეცარი დაკარგვის საშიშროებასაც აგვარიდებს თავიდან. 

იმ შემთხვევაშიც კი, თუ ამ ეტაპზე მხედველობის რაიმე პრობლემას არ უჩივით, თვალიც ძველებურად გიჭრით და ნაწერს და გამოსახულებასაც მშვენივრად არჩევთ, ოპტიკური სათვალის ტარება პრევენციის მიზნით მაინც არ გაწყენდათ. 

როგორ შევარჩიოთ სათვალე სწორად? 

სათვალის შერჩევა ერთ-ერთი მნიშვნელოვანი გამოწვევაა მათთვის, ვისაც სურს ჯანმრთელობასაც გაუფრთხილდეს და ვიზუალურადაც უნაკლოდ გამოიყურებოდეს. იმის გათვალისწინებით, რომ დღესდღეობით სათვალის ყიდვა თითქმის ყველა კუთხე-კუნჭულშია შესაძლებელი, ორმაგად გმართებთ დაფიქრება იმაზე, თქვენთვის ფასი უფრო მნიშვნელოვანია თუ ხარისხი? 

ასე, მაგალითად, ზეპირად შერჩეული, მასობრივი წარმოების ოპტიკური სათვალე, შესაძლოა, არაფერში გამოგადგეთ, თუ ოფთალმოლოგის კონსულტაციას არ გაივლით. ასეთი სათვალეები, როგორც წესი, სტანდარტულნომრიანია და დიდი ხარისხითაც არ დაიკვეხნის. 
თქვენ კი, შესაძლოა, ორივე თვალში განსხვავებული მდგომარება გქონდეთ და ერთი თვალის “ნომერი” კი დაემთხვეს, მაგრამ მეორე იყოს სრულიად აცდენილი. ოფთალმოლოგიური გამოკვლევით კი ორივე თვალის ზუსტი მდგომარეობა ვლინდება და ასე არა მხოლოდ სწორნომრიან სათვალეს შეიძენთ, არამედ სათვალის ჩარჩოსაც თქვენსავე გემოვნებით შეარჩევთ. 

სათვალის არჩევისას, თქვენი სახის მოყვანილობაც უნდა გაითვალისწინოთ. შესაძლოა ის, რაც ვიზუალურად მოგწონთ, თქვენი სახის ფორმას, ნაკვთებსა და ზოგად იერს სულაც არ მოუხდეს. გარდა ამისა, თუ ამ საქმის პროფესიონალებს დავუჯერებთ, სწორად შერჩეული სათვალის ტარებისას მხედველობის დარღვევასთან დაკავშირებული ჩვენებები, როგორიცაა, მაგალითად, თავის ტკივილი, შუბლის არეში სიმძიმის შეგრძნება, ცრემლდენა თუ თვალების წვაც უმალ ქრება. 

როგორ შევინარჩუნოთ ჯანსაღი მზერა უსათვალოდ? 

სანამ მხედველობასთან დაკავშირებული პრობლემები შეგვექმნება და სათვალის შერჩევაზე მიდგება საქმე, თავადაც შეგვიძლია შევებრძოლოთ მხედველობის შესაძლო დაქვეითებას. ამისათვის, განა ბევრი რამაა საჭირო. როგორც ერთ ძველ გამონათქვამშია ნათქვამი - ჯანსაღ სხეულში ხომ ჯანსაღი სულია. შესაძლოა, გაგიკვირდეთ, მაგრამ ის, თუ რითი ვიკვებებით, ბევრწილად აისახება ჩვენს ზოგად ჯანმრთელობის მდგომარეობაზე, მათ შორის, ჯანსაღ მზერაზეც. 

აქვე გთავაზობთ იმ პროდუქტების მოკლე ჩამონათვალს, რაც მხედველობასაც გაგიუმჯობესებთ და მათში შემავალი ვიტამინების წყალობით, განწყობასაც გაგიუმჯობესებთ, ესენია: 

  • თევზეული;
  • სტაფილო;
  • მოცვი და შავი მოცხარი;
  • თხილეული;
  • გოგრა;
  • ისპანახი და ბროკოლი:
  • ხახვი და ნიორი.

იმ შემთხვევაში, თუ, აქ ჩამოთვლილი პროდუქტიდან არცერთი გეხატებათ დიდად გულზე, ნუ დაღონდებით. შეგიძლიათ, შესაბამისი სპეციალისტის რეკომენდაციით ვიტამინების ის კომპლექტი მიიღოთ, რაც ჯანსაღი მზერის შენარჩუნებაშიც დაგეხმარებათ, ინფექციური დაავადებებისგანაც დაგიცავთ და თქვენს საყვარელ საქმიანობასაც მშვიდად და მხნედ გააგრძელებთ. 

თუმცა, გახსოვდეთ, ცხოვრება მშვენიერია - სათვალითაც თუ უსათვალოდ!

სხვა ბლოგები

სპორტი და ჯანმრთელობა: კავკასიის მედიცინის ცენტრი სპორტსმენების ჯანმრთელობის სადარაჯოზე
იხილეთ მეტი
სპორტი და ჯანმრთელობა: კავკასიის მედიცინის ცენტრი სპორტსმენების ჯანმრთელობის სადარაჯოზე
19 სექტემბერი 2022
სპორტი თავად არის ცხოვრების ჯანსაღი წესის შემადგენელი ნაწილი, თუმცა რეგულარული ფიზიკური აქტივობებით დაკავებისას აუცილებელია მუდმივი სამედიცინო მონიტორინგი. განსაკუთრებით მაშინ, როცა პროფესიონალურ სპორტსა და პროფესიონალ სპორტსმენებზე ვსაუბრობთ.
„მცირდება ულუფები, იცვლება ცხოვრების წესი“ - წონაში კლების შედეგი, რომელსაც სალომე დადუნაშვილმა კუჭის ბოტოქსის პროცედურით მიაღწია
იხილეთ მეტი
„მცირდება ულუფები, იცვლება ცხოვრების წესი“ - წონაში კლების შედეგი, რომელსაც სალომე დადუნაშვილმა კუჭის ბოტოქსის პროცედურით მიაღწია
17 აგვისტო 2022
სალომე დადუნაშვილი ჟურნალისტია, მუდმივად ეკრანთან მუშაობს და მისთვის ვიზუალური მხარე მნიშვნელოვანია. ამბობს, რომ ჭარბი წონა დღეს მსოფლიოს ერთ-ერთი ყველაზე აქტუალური გამოწვევაა და ამ პრობლემას თავადაც უკვე წლებია, ებრძვის. თანამედროვე მედიცინამ მას სულ ახლახან მისცა შესაძლებლობა, წონაში ეფექტურად, შეზღუდვების გარეშე დაეკლო და ცხოვრების წესი შეეცვალა.
კუჭის ბოტოქსი - ზედმეტი წონის კორექციის ეფექტური მეთოდი.
იხილეთ მეტი
კუჭის ბოტოქსი - ზედმეტი წონის კორექციის ეფექტური მეთოდი.
03 აგვისტო 2022
კუჭის ენდოსკოპიური ბოტოქსი ჭარბ წონასთან ბრძოლის ერთ-ერთი ყველაზე ნაკლებადინვაზიური და თანამედროვე მეთოდია. მანიპულაციისას ბოტულინის ტოქსინის ენდოსკოპიური გზით შეყვანა ხდება სპეციალურ ადგილას, რაც საბოლოოდ კუჭის მოცულობის შემცირებასა და მადის დაქვეითებას უზრუნველყოფს.