OOPS!
YOUR BROWSER IS NOT SUPPORTED
To view this page, please use one of these browsers
ბლოგპოსტი

ბლოგპოსტი

ინსულტის მწვავე შედეგები დამარცხებულია - თრომბექტომიამ პაციენტის სიცოცხლე იხსნა

12 ივლისი 2022
ინსულტის მწვავე შედეგები დამარცხებულია - თრომბექტომიამ პაციენტის სიცოცხლე იხსნა

ნუნუ მაღლაკელიძე 75 წლის ქალბატონია, რომელიც სწორ დროს, სწორ ადგილას მოხვდა და სწორედ ასე გადაურჩა ინსულტის მწვავე შედეგებს.

იხსენებს, რომ მოულოდნელად იგრძნო, როგორ კარგავდა მეტყველების უნარს. პირველ სიმპტომს, თანდათანობით, კიდურებში სისუსტე და მოძრაობის გაძნელებაც დაერთო. ოჯახის წევრები მარტივად მიხვდნენ, რომ საქმე ინსულტს ეხებოდა და მაშინათვე სასწრაფო დახმარების ბრიგადა გამოიძახეს.

პაციენტი კავკასიის მედიცინის ცენტრში პირველივე სიმპტომების აღმოცენებიდან 1 საათში შეიყვანეს. მეტყველების გაძნელებასა და კიდურებში ნევროლოგიურ დეფიციტთან ერთად, ქალს აღენიშნებოდა მაღალი არტერიული წნევა, რაც მდგომარეობას უფრო ართულებდა.

ნეიროქირურგმა კოკა გოგიჩაშვილმა პაციენტის მდგომარეობა გადაუდებელი მედიცინის განყოფილებაში მოხვედრისთანავე შეაფასა. ჩატარდა თავის ტვინის კომპიუტერული ტომოგრაფია, რამაც ცერებრულ არტერიაში თრომბის არსებობა გამოავლინა. შედეგად, პაციენტს ადგილზე ჩაუტარდა სისტემური თრომბოლიზისი, რის შემდეგაც ის მწვავე სისხლძარღვოვან განყოფილებაში გადაიყვანეს. ნეიროქირურგებმა მირზა ხინიკაძემ და კოკა გოგიჩაშვილმა ენდოვასკულური თრომბექტომიის ჩატარების გადაწყვეტილებაც მიიღეს და პროცედურა წარმატებით განახორცილეს.

აღსანიშნავია, რომ სისტემური თრომბოლიზისი თავისტვინისმომმარაგებელსისხლძარღვშიარსებულითრომბისდაშლასგულისხმობს ინტრავენურად,მედიკამენტის შეყვანით.ენდოვასკულური თრომბექტომია კი თავის ტვინის დაზიანებულ უბანში თრომბული მასის დაშლას ითვალისწინებს და ნაჩვენებიაგანსაკურებულშემთხვევებში, როდესაც თრომბი იმდენად დიდია, რომ მისი დაშლა სისტემური თრომბოლიზის მეშვეობით ვერ ხერხდება. მცირეინვაზიურიჩარევაბარძაყისარტერიიდანხორციელდება.

წარმატებული თრომბექტომიის შედეგად ნუნუ მაღლაკელიძეს მდგომარეობა პირველივე საათში გაუმჯობესდა. მწვავე იშემიური ინსულტის მიუხედავად, შესაძლებელი გახდა პაციენტის გადარჩენა და მისი ჯანმრთელობის მდგომარეობის შენარჩუნება რაიმე სახის ნევროლოგიური დეფიციტის გარეშე: ქალი ცხოვრების ჩვეულ რიტმს დაუბრუნდა.

სხვა ბლოგები

ეპილეფსიის ქირურგია კავკასიის მედიცინის ცენტრში
იხილეთ მეტი
ეპილეფსიის ქირურგია კავკასიის მედიცინის ცენტრში
08 ნოემბერი 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
იხილეთ მეტი
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 ოქტომბერი 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
იხილეთ მეტი
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 ოქტომბერი 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.