OOPS!
YOUR BROWSER IS NOT SUPPORTED
To view this page, please use one of these browsers
სიახლე

სიახლე

ბრძოლა ვირუსის შესაჩერებლად

15 ოქტომბერი 2020
ბრძოლა ვირუსის შესაჩერებლად

“COVID-19-ის პანდემიამ ნამდვილად უპრეცედენტო გარემო შექმნა მთელ მსოფლიოში, რომლის გავლენასაც ყოველი ჩვენგანი განიცდის. სწორედ ამგვარ მომენტებში გვახსენდება, რომ ყველანი ერთმანეთთან ვართ დაკავშირებულნი. მთელი მსოფლიოს ჯანდაცვის სფეროში მომუშავე ადამიანები ამ ხნის მანძილზე ბრძოლის წინა ხაზზე იმყოფებოდნენ, როგორც ნამდვილი მებრძოლები. ისინი ახლაც თავდაუზოგავად მუშაობენ, რათა შეუნარჩუნონ პაციენტებს სიცოცხლე” - ასე იწყებს საქართველოზე საუბარს "საერთაშორისო ჰოსპიტალური ფედერაცია" (IHF) საკუთარ ახალ პუბლიკაციაში, რომელიც მსოფლიო ჯანდაცვაში განხორციელებულ ინოვაციებისა და მენეჯმენტის როლის აღიარებას ეხება


პუბლიკაციაში ასევე ვკითხულობთ: „საქართველოში მაღალმა პასუხისმგებლობამ გააერთიანა სახელმწიფო სექტორის, სამედიცინო ინდუსტრიისა და რიგითი მოქალაქეების ძალისხმევა. პანდემიის წინააღმდეგ ბრძოლის პირველი ეტაპი დაიწყო ინფიცირების პირველი შემთხვევის დადასტურებამდე ერთი თვით ადრე. ფაზა მოიცავდა კოორდინირებული ზომების იმპლემენტაციას ვირუსის შეჭრისა და გავრცელების მაქსიმალური პრევენციის უზრუნველსაყოფად. ისეთი წამყვანი საერთაშორისო მედიასაშუალებები, როგორიცაა Foreign Policy, Forbes, CNN, Washington Post, Lonely Planet და სხვ. ხაზს უსვამენ საქართველოს წარმატებულ რეაგირებასა და COVID-19- ის წინააღმდეგ ბრძოლაში განხორციელებული ძალისხმევის ეფექტიანობას. მსოფლიო ჯანდაცვის ორგანიზაციამ შეაქო საქართველოს ხელისუფლება ვირუსის წინააღმდეგ ბრძოლაში სწრაფი ნაბიჯების გადადგმის გამო“


უსაფრთხოების მაღალი დონის უზრუნველსაყოფად, ჩვენს თანამშრომლებსა და პაციენტებს საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების საფუძველზე ჩაუტარდათ სიღრმისეული ტრენინგი, მათ შორის იმის შესახებ, თუ როგორ უნდა მართონ პაციენტთა ნაკადები. შემომსვლელთა ნაკადის ეფექტურად სამართავად შესასვლელთან განთავსდა სპეციალური სამკუთხედები, ვიზიტორთა შემოსასვლელები კი ჩაიკეტა. ჩვენს სატელეფონო ცენტრს მოკლედ მიეწოდა ინფორმაცია პაციენტების წინასწარი გამოკვლევის შესახებ. გავრცელდა საგანმანათლებლო მასალები, რომლებიც ხელმისაწვდომია როგორც ჰოსპიტლებში, ისე ინტერნეტსივრცეში. შეძენილი იქნა თავდაცვის საშუალებები, რომელთა გამოყენება ასევე ხელმისაწვდომია შესაბამისი ინსტრუქციების დაცვით.

IHF - 1929 წელს აშშ ში ჩატარებული პირველი ჰოსპიტალური კონგრესის შემდეგ დაარსდა. ორგანიზაციის წევრები არიან მსოფლიო საავადმყოფოები და ჯანდაცვის ორგანიზაციები, რომლებსაც მკაფიო ურთიერთობა აქვთ ჯანმრთელობის დაცვის უზრუნველყოფასთან.

IHF ასევე აღნიშნავს, რომ შიშისა და უიმედობის პერიოდში საქართველომ დაამტკიცა, რომ ტურისტებისათვის ყველაზე უსაფრთხო ქვეყანა იყო რეგიონში, განსაკუთრებით, სამედიცინო ტურიზმის ფარგლებში, რამდენადაც წარმატებით მართა პანდემია, ინარჩუნებდა რა COVID-19-ით დაინფიცირების ერთეულ ახალ შემთხვევებს.

პუბლიკაციაში ასევე საუბარია უსაფთხოების მაღალი დონის უზრუნველსაყოფად ჰოსპიტლებში განხორციელებულ აქტივობებზე, სოციალური დისტანცირების აქცია #დარჩისახლშის და „ევექსი ჰოსპიტლების“ ქსელში განხორციელბული ახალი სამედიცინო მხარდაჭერის პროგრამაზე.

ჩვენ ვცდილობთ მოვერგოთ ახალ რეალობას, რომელშიც ყველანი ერთად ვიმყოფებით, რადგან ჩვენი მომავალი დიდწილად არის დამოკიდებული ჩვენს ერთობლივ ძალისხმევაზე


სტატიის სრული ვერსია შეგიძლიათ იხილოთ შემდეგ ლინკზე (მე-19 გვ) 

სხვა სიახლეები

ვენების ვარიკოზული დაავადებების სამკურნალო უსაფრთხო, მაღალეფექტური და უმტკივნეულო მეთოდი
.
გაიგეთ მეტი
ვენების ვარიკოზული დაავადებების სამკურნალო უსაფრთხო, მაღალეფექტური და უმტკივნეულო მეთოდი
28 აპრილი 2022
კავკასიის მედიცინის ცენტრი პაციენტებს ვენების ვარიკოზული დაავადებების სამკურნალოდ უსაფრთხო, მაღალეფექტურსა და უმტკივნეულო მეთოდს - რადიოტალღოვან აბლაციას სთავაზობს.
მსოფლიო ნეირომეცნიერების ჟურნალი (SCIRP) ქართველი ნეიროქირურგების სამედიცინო წარმატების შესახებ
.
გაიგეთ მეტი
მსოფლიო ნეირომეცნიერების ჟურნალი (SCIRP) ქართველი ნეიროქირურგების სამედიცინო წარმატების შესახებ
15 აპრილი 2022
მსოფლიო ნეირომეცნიერების ჟურნალში (SCIRP) ქართველი ნეიროქირურგების სამედიცინო მოღვაწეობის, მათი პრაქტიკული საქმიანობისა და წარმატების შესახებ სტატია გამოქვეყნდა.
მსოფლიო დონის თორაკოქირურგის უნიკალური ოპერაციები კავკასიის მედიცინის ცენტრში და პირდაპირი ტრანსლირება საოპერაციო ბლოკიდან
.
გაიგეთ მეტი
მსოფლიო დონის თორაკოქირურგის უნიკალური ოპერაციები კავკასიის მედიცინის ცენტრში და პირდაპირი ტრანსლირება საოპერაციო ბლოკიდან
27 იანვარი 2022
25 იანვარს კავკასიის მედიცინის ცენტრს ცნობილი თორაკოქირურგი, დიეგო გონსალეს რივასი ეწვია. ვიზიტის ფარგლებში სპეციალისტმა საქართველოში პირველად ჩაატარა რამდენიმე უნიკალური ოპერაცია და ქართველი კოლეგებისთვის თორაკოქირურგიაში უახლესი მეთოდის - უნიპორტალური მიდგომის მასტერკლასი გამართა.