OOPS!
YOUR BROWSER IS NOT SUPPORTED
To view this page, please use one of these browsers
Статьи Блога

Статьи Блога

ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო

12 Октябрь 2022
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.

მოგვიანებით წანაზარდი ზომაში გაიზარდა და ორივე ძუძუს არეში გაჩნდა. ახალგაზრდა ქალი ახლობლის რეკომენდაციით თბილისში ჩამოვიდა და კავკასიის მედიცინის ცენტრს ეწვია. კლინიკური ონკოლოგიის დეპარტამენტში მას ყველა საჭირო გამოკვლევა ჩაუტარდა, მათ შორის განხორციელდა როგორც ორივე ძუძუს ბიოფსია, ასევე - მოლეკულურ-გენეტიკური კვლევა, რამაც სიმსივნის გენეტიკური განწყობა დაადასტურა.

„ავთვისებიანი სიმსივნე მესამე სტადიის იყო და აგრესიულად ვითარდებოდა. საჭირო გახლდათ სასწრაფო ჩარევა და პაციენტის მომზადება ხანგრძლივი და კომპლექსური მკურნალობისთვის. კლინიკური ონკოლოგიის დეპარტამენტის მულტიდისციპლინურმა გუნდმა, საწყის ეტაპზე, ქიმიოთერაპიის ჩატარების გადაწყვეტილება მიიღო. ჩატარდა სულ 8 კურსი, რის შედეგადაც სიმსივნური წარმონაქმნები ზომაში მნიშვნელოვნად შემცირდა. შემდეგ დაიგეგმა ოპერაცია - ორივე ძუძუს მასტექტომია და რეკონსტრუქცია, რაც ონკომამოლოგმა და ქირურგმა, გიორგი კეჭყემაძემ წარმატებით განახორციელა, - იხსენებს ლიკას მკურნალი ექიმი, კლინიკური ონკოლოგი ივანე კილაძე.

ლიკა მარღანია ამჟამად ჰორმონოთერაპიის კურსს გადის და თავს ჯანმრთელად გრძნობს. მისი სიცოცხლის ხარისხი შენარჩუნებულია ისევე, როგორც აღმოფხვრილია ყველა შესაძლო სახის ვიზუალური დისკომფორტი. 35 წლის ქალი დღეს თავს სრულფასოვნად გრძნობს და ამბობს, რომ სიმსივნის მკურნალობის პროცესში უდიდესი მნიშვნელობა განწყობას აქვს.

другие блогпосты

კავკასიის მედიცინის ცენტრში პირველი სტერეოტაქსიული ნეიროქირურგიული  ოპერაცია  ჩატარდა
Посмотреть
კავკასიის მედიცინის ცენტრში პირველი სტერეოტაქსიული ნეიროქირურგიული ოპერაცია ჩატარდა
14 Март 2023
კავკასიის მედიცინის ცენტრის ნეირომეცნიერებათა დეპარტამენტში პირველი სტერეოტაქსიული ბიოფსია შესრულდა.
სიელმისა და რეფრაქციული მანკების თანამედროვე და მაღალტექნოლოგიური მკურნალობა კავკასიის მედიცინის ცენტრში
Посмотреть
სიელმისა და რეფრაქციული მანკების თანამედროვე და მაღალტექნოლოგიური მკურნალობა კავკასიის მედიცინის ცენტრში
10 Февраль 2023
სიელმე, ანუ თვალის მამოძრავებელი კუნთოვანი სისტემის ბალანსის დარღვევა, ძირითადად რეფრაქციულ მანკებთან ( ახლომხედველობა, შორსმხედველობა და ასტიგმატიზმი ) კომბინაციაში, მოსახლეობაში ხშირად გავრცელებული პრობლემაა.
ეპილეფსიის ქირურგია კავკასიის მედიცინის ცენტრში
Посмотреть
ეპილეფსიის ქირურგია კავკასიის მედიცინის ცენტრში
08 Ноябрь 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.