OOPS!
YOUR BROWSER IS NOT SUPPORTED
To view this page, please use one of these browsers
ბლოგპოსტი

ბლოგპოსტი

სპორტი და ჯანმრთელობა: კავკასიის მედიცინის ცენტრი სპორტსმენების ჯანმრთელობის სადარაჯოზე

19 სექტემბერი 2022
სპორტი და ჯანმრთელობა: კავკასიის მედიცინის ცენტრი სპორტსმენების ჯანმრთელობის სადარაჯოზე

სპორტი თავად არის ცხოვრების ჯანსაღი წესის შემადგენელი ნაწილი, თუმცა რეგულარული ფიზიკური აქტივობებით დაკავებისას აუცილებელია მუდმივი სამედიცინო მონიტორინგი. განსაკუთრებით მაშინ, როცა პროფესიონალურ სპორტსა და პროფესიონალ სპორტსმენებზე ვსაუბრობთ.

კავკასიის მედიცინის ცენტრი ის მულტიპროფილური სამედიცინო დაწესებულებაა ქვეყანაში, რომელიც აქტიურად დგას სპორტსმენების ჯანმრთელობის სადარაჯოზე. გარდა იმისა, რომ ჰოსპიტალი რაგბის კავშირის პარტნიორია და ქართველ მორაგბეებს ექსკლუზიური მომსახურებით უზრუნველყოფს, კავკასიის მედიცინის ცენტრმა წელს „ევრობასკეტ 2022-ზე“ კალათბურთის ეროვნული ნაკრების ოფიციალური სამედიცინო სპონსორის როლიც მოირგო.

უფრო დეტალურად სპორტსმენებისთვის ჯანმრთელობის მუდმივ სკრინინგსა და იმ სერვისებზე, რომელსაც ჰოსპიტალი აწვდის ახალგაზრდა მორაგბეებსა თუ კალათბურთელებს, საუბრობს პერსონალური ჯანმრთელობის ცენტრის ხელმძღვანელი, თერაპევტი რუსუდან ჯოჯუა:

„ჯანმრთელობის მუდმივის მონიტორინგის აუცილებლობაზე არავინ ვდაობთ. საკუთარი ორგანიზმის, მისი ფუნქციონირების კონტროლი და პერიოდული შემოწმება ყველა ჩვენგანისთვის არის სასიცოცხლოდ მნიშვნელოვანი, თუმცა სპორტსმენებს, პროფესიიდან გამომდინარე, სამედიცინო დაწესებულებებთან უფრო აქტიური შეხება აქვთ და ჯანმრთელობის მონიტორინგი ბევრად მეტად ესაჭიროებათ.

გადამწყვეტი მნიშვნელობა აქვს ისეთ პრევენციულ ღონისძიებებს, როგორიცაა ე.წ. „ჩექ-აფ“ კვლევები, რაც უსიმპტომო პაციენტების შეფასების საშუალებას იძლევა. მით უმეტეს, რომ გულ-სისხლძარღვთა დაავადებები, დიაბეტი, თირკმლის კიბოსწინარე პათოლოგიები და მრავალი სხვა სწორედ უსიმპტომოდ მიმდინარეობს და მათი აღმოჩენა „ჩექ-აფ“ კვლევების გარეშე, შეუძლებელია. სწორედ ამ კვლევების შედეგად იქმნება წარმოდგენა პაციენტის ზოგად ჯანმრთელობაზე.

სწორედ ამ მიზნით მოქმედებს ჩვენს ჰოსპიტალში პერსონალური ჯანმრთელობის ცენტრი, რომელიც ერთ სივრცეში აერთიანებს მულტიპროფილურ ამბულატორიულ მომსახურებას და მოიცავს გამოკვლევებს ყველა სამედიცინო მიმართულებით. მათ შორის, იძლევა ქრონიკული თუ გენეტიკური დაავადებების გამოვლენა-მკურნალობის შესაძლებლობას. ცენტრში სპორტსმენებს ვთავაზობთ ინდივიდუალურ მიდგომას, რაც ითვალისწინებს არა მხოლოდ ერთჯერად სამედიცინო მომსახურებას, არამედ - კვების რაციონის შედგენას, პერსონალურ რეკომენდაციებს, ჯანსაღი ცხოვრების წესის მოდელირებას და უწყვეტ დაკვირვებას პაციენტის ჯანმრთელობაზე.

გარდა ამისა, აღსანიშნავია ისიც, რომ აქტიურ სპორტსმენებს ხშირად აწუხებთ ძვალ-სახსროვანი სისტემის დაზიანებები ისევე, როგორც საჭიროებენ კარდიოვასკულური სისტემის მუდმივ მეთვალყურეობას დიდი და ინტენსიური ფიზიკური დატვირთვის გამო. ჩვენს ცენტრში კი ყველა ამ მიმართულებით უზრუნველვყოფთ ახალგაზრდა სპორტსმენებს და მოხარულები ვართ, რომ სწორედ ჩვენ ვდგავართ მათი ჯანმრთელობის სადარაჯოზე.“

სხვა ბლოგები

„მცირდება ულუფები, იცვლება ცხოვრების წესი“ - წონაში კლების შედეგი, რომელსაც სალომე დადუნაშვილმა კუჭის ბოტოქსის პროცედურით მიაღწია
იხილეთ მეტი
„მცირდება ულუფები, იცვლება ცხოვრების წესი“ - წონაში კლების შედეგი, რომელსაც სალომე დადუნაშვილმა კუჭის ბოტოქსის პროცედურით მიაღწია
17 აგვისტო 2022
სალომე დადუნაშვილი ჟურნალისტია, მუდმივად ეკრანთან მუშაობს და მისთვის ვიზუალური მხარე მნიშვნელოვანია. ამბობს, რომ ჭარბი წონა დღეს მსოფლიოს ერთ-ერთი ყველაზე აქტუალური გამოწვევაა და ამ პრობლემას თავადაც უკვე წლებია, ებრძვის. თანამედროვე მედიცინამ მას სულ ახლახან მისცა შესაძლებლობა, წონაში ეფექტურად, შეზღუდვების გარეშე დაეკლო და ცხოვრების წესი შეეცვალა.
კუჭის ბოტოქსი - ზედმეტი წონის კორექციის ეფექტური მეთოდი.
იხილეთ მეტი
კუჭის ბოტოქსი - ზედმეტი წონის კორექციის ეფექტური მეთოდი.
03 აგვისტო 2022
კუჭის ენდოსკოპიური ბოტოქსი ჭარბ წონასთან ბრძოლის ერთ-ერთი ყველაზე ნაკლებადინვაზიური და თანამედროვე მეთოდია. მანიპულაციისას ბოტულინის ტოქსინის ენდოსკოპიური გზით შეყვანა ხდება სპეციალურ ადგილას, რაც საბოლოოდ კუჭის მოცულობის შემცირებასა და მადის დაქვეითებას უზრუნველყოფს.
ინსულტიდან 1 საათში - ნეიროქირურგების სწრაფი და სპეციალიზებული მკურნალობით გადარჩენილი ახალგაზრდა მამაკაცი
იხილეთ მეტი
ინსულტიდან 1 საათში - ნეიროქირურგების სწრაფი და სპეციალიზებული მკურნალობით გადარჩენილი ახალგაზრდა მამაკაცი
28 ივლისი 2022
ინსულტის მკურნალობაში კავკასიის მედიცინის ცენტრის ნეიროქირურგიული გუნდის მრავალი წარმატებიდან ერთ-ერთია ახალგაზრდა მამაკაცის სამედიცინო შემთხვევა, როდესაც ის ჰოსპიტალში დაავადების სიმპტომების აღმოცენებიდან 1 საათში სასწრაფო დახმარების ბრიგადამ შეიყვანა.