მძლავრი ონკოდიაგნოსტიკური სერვისი კავკასიის მედიცინის ცენტრში

ონკოლოგიაში უმნიშვნელოვანესი ფაქტორი ზუსტი დიაგნოსტიკაა. იგი დაავადებების მართვის პირველ ეტაპს წარმოაგდენს. კავკასიის მედიცინის ცენტრი ყველა ონკოლოგიური დაავადების შემდეგ გამოკვლევის მეთოდებს გვთავაზობს:

• ლაბორატორიული კვლევები;
• რადიოლოგიური კვლევები;
• ენდოსკოპიური კვლევები: ბრონქოსკოპია, ეზოფაგოგასტროდუოდენოსკოპია, კოლპოსკოპია, კოლონოსკოპია;
• მორფოლოგიური დიაგნოსტიკა;
• მოლეკულური დიაგნოსტიკა (ულტრათანამედროვე, მოლეკულურ-გენეტიკურ მეთოდზე დაფუძნებული კვლევები - სიმსივნეების დნმ დიაგნოსტიკა).

ლაბორატორიულ მომსახურებას მულტიპროფილური ლაბორატორია, მეგალაბი უზრუნველყოფს, რომელიც კლინიკურ და პათოლოგიურ დეპარტამენტებს აერთიანებს. ულტრათანამედროვე, მაღალტექნოლოგიური აპარატებით შესაძლებელია რუტინული ანალიზების ჩატარება (სისხლისა და შარდის ანალიზი) და სისხლში ონკომარკერების (სიმსივნური მარკერი) იდენტიფიცირება.

რადიოლოგიის მიმართულება კი, რომელსაც ნიკოლოზ საინიშვილი ხელმძღვანელობს, ონკოლოგიური დაავადებების სრული სპექტრის პირველად დიაგნოსტიკასა და შემდგომ მონიტორინგს უზრუნველყოფს. ამისთვის გამოიყენება დიაგნოსტიკური რადიოლოგიის სრული არსენალი:

• ექოსკოპია;
• კომპიუტერული ტომოგრაფია;
• მაგნიტურ-რეზონანსული ტომოგრაფია.

აღსანიშნავია ჰოსპიტლის დასავლური გამოცდილების, მაღალკვალიფიციური მორფოლოგების გუნდი, რომელსაც ქეთი კანკავა ხელმძღვანელობს. დაავადების დიაგნოსტირებაში მორფოლოგიური კვლევა ოქროს სტანდარტს წარმოადგენს.

კვლევის ციტოლოგიური და ჰისტოლოგიური ტიპებით ხდება ექიმისთვის უტყუარი ინფორმაციის მიწოდება და ზუსტი დიაგნოზის დასმა, რაც, როგორც ვახსენეთ, ონკოლოგიაში უმთავრეს ფაქტორს წარმოადგენს.

ონკოლოგიურ მიმართულებას კავკასიის მედიცინის ცენტრში კლინიკური ონკოლოგი, ივანე კილაძე ხელმძღვანელობს.