OOPS!
YOUR BROWSER IS NOT SUPPORTED
To view this page, please use one of these browsers
ბლოგპოსტი

ბლოგპოსტი

ინსულტის შედეგად განვითარებული ეგზოფთალმია და ქალი, რომელსაც სიცოცხლე შეუნარჩუნდა

13 ივნისი 2022
ინსულტის შედეგად განვითარებული ეგზოფთალმია და ქალი, რომელსაც სიცოცხლე შეუნარჩუნდა
სიცოცხლე ყველას უყვარს, სიცოცხლე ყველას უნდა... ამბობს, რომ გამონაკლისი არც თვითონ ყოფილა და ცხოვრების გაგრძელება ძალიან სურდა.

ნინო სეფიაშვილი კავკასიის მედიცინის ცენტრში სუბარაქნოიდული ჰემორაგიის დიაგნოზით შეიყვანეს. ეს ჰემორაგიული ინსულტის ერთ-ერთი ტიპია, რომლის დროსაც სისხლდენა ტვინის მფარავ შიგნითა და შუა გარსებს შორის, ანუ სუბარაქნოიდულ სივრცეში ვითარდება. დაავადებას ძალიან მძიმე, ხშირად სიცოცხლესთან შეუთავსებელი მდგომარეობის გამოწვევა შეუძლია და ის ძალიან სწრაფად ვითარდება.

მდგომარეობას კიდევ უფრო მეტად ართულებდა ის, რომ ჩატარებული გამოკვლევების შედეგად პაციენტს კაროტიდო-კავერნოზული ფისტულის დიაგნოზიც დაესვა. საუბარია პათოლოგიაზე, როდესაც შიგნითა საძილე არტერიასა და კავერნოზულ სინუსს შორის ვითარდება ფისტულა, რომელიც თვალის წინ წამოწევას იწვევს და დიდი საფრთხეს უქმნის თავის ტვინის სისხლმომარაგებას. გასკდომის შემთხვევაში, შესაძლოა, მდგომარეობამ ლეტალური შედეგი გამოიწვიოს.

ნეიროქირურგებმა - მირზა ხინიკაძემ და კოკა გოგიჩაიშვილმა პაციენტი გადაუდებელი ოპერაციული ჩარევისთვის მოამზადეს და ფისტულის დახურვა ენდოვასკულურად, საემბოლიზაციო წებოს გამოყენებით გადაწყვიტეს. ტექნიკურად რთულად შესასრულებელი ოპერაცია წარმატებით, გართულებების გარეშე დასრულდა.

სიცოცხლისთვის შეუთავსებელი პათოლოგიის გარდა, ნინო სეფიაშვილმა ვიზუალური დისკომფორტის მოხსნაც შეძლო. ოპერაციის შემდეგ სრულიად ალაგდა ეგზოფთალმია (თვალის წინ წამოწევა თვალბუდიდან) და ახალგაზრდა ქალი ბინაზე ნევროლოფიური დეფიციტის გარეშე, გამოჯანმრთელებული გაეწერა.

სხვა ბლოგები

ეპილეფსიის ქირურგია კავკასიის მედიცინის ცენტრში
იხილეთ მეტი
ეპილეფსიის ქირურგია კავკასიის მედიცინის ცენტრში
08 ნოემბერი 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
იხილეთ მეტი
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 ოქტომბერი 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
იხილეთ მეტი
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 ოქტომბერი 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.