OOPS!
YOUR BROWSER IS NOT SUPPORTED
To view this page, please use one of these browsers
Blog

Blog

ონკოლოგიის ცენტრი მძლავრ ონკოლოგიურ სერვისსა და პაციენტებზე ორიენტირებულ, კომფორტულ გარემოს გვთავაზობს

27 September 2021
ონკოლოგიის ცენტრი მძლავრ ონკოლოგიურ სერვისსა და პაციენტებზე ორიენტირებულ, კომფორტულ გარემოს გვთავაზობს
კავკასიის მედიცინის ცენტრი ონკო-პაციენტებისთვის და მათი თანხმლები პირებისთვის კომფორტულ და მუდმივად ხელმისაწვდომ გარემოს ქმნის. აღსანიშნავია, რომ ონკოლოგიის ცენტრი 24 საათის განმავლობაში მუშაობს და აქვს დღისა და ღამის სტაციონარი. ამასთან, ონკოლოგიური დაავადებების მკურნალობის პერიოდში განვითარებული გვერდითი მოვლენებისა და გართულებების შემთხვევაში პაციენტებს ნებისმიერ დროს შეუძლიათ მიმართონ გადაუდებელი მედიცინის განყოფილებას, რომელსაც ონკო-პაციენტების მართვის დიდი გამოცდილება აქვს, აღნიშნული სერვისი საქართველოში მხოლოდ კავკასიის მედიცინის ცეტრში მოქმედებს.

მკურნალობა უახლესი საერთაშორისო გაიდლაინებით ხორციელდება და ონკო-პაციენტებს შესაძლებლობა ეძლევათ მიიღონ საზღვარგარეთის მსგავსი სერვისი. თითოეული პაციენტის მკურნალობის შერჩევა ხდება ინდივიდუალურად, მულტიდისციპლინური მიდგომით. პროცესში საქართველოს მაღალკვალიფიციურ სპეციალისტებთან ერთად ჩართულები არიან უცხოეთის წამყვან კლინიკებში მოღვაწე ონკოლოგები, მაგალითად, რადიაციული ონკოლოგი კრისტინა კილი.

ყურადღებას იპყრობს დიაგნოსტიკური მომსახურების ფართო სპექტრი. რადიოლოგიის განყოფილება, ნიკოლოზ საინიშვილის ხელმძღვანელობით, ყველა ონკოლოგიური დაავადების პირველად დიაგნოსტიკასა და შემდგომ მონიტორინგს უზრუნველყოფს. დეპარტამენტი აღჭურვილია უახლესი აპარატურით და ხელმისაწვდომია შემდეგი გამოკვლევის მეთოდები: ექოსკოპია, კომპიუტერული და მაგნიტურ-რეზონანსული ტომოგრაფია.

აღსანიშნავია ჰოსპიტლის უნიკალური ლაბორატორია და კვლევების ჰოლანდიაში ჩატარების შესაძლებლობა, იქ მოღვაწე ცნობილი პათომორფოლოგის, ალექსი ბაიდოშვილის ხელმძღვანელობით.

გარდა საყოველთაო დაზღვევისა, რომელიც პაციენტების თანადაფინანსებას უზურნველყოფს, ჰოსპიტალში მოქმედებს სხვადასხვა საზღვარგარეთის პროგრამა, რომელიც თანამედროვე, ძვირადღირებული იმუნოთერაპიული მედიკამენტებით სრულიად უფასო მკურნალობას ითვალისწინებს, შესაბამისი ნოზოლოგიის (დაავადების) მქონე პაციენტებისთვის.

ონკო-პაციენტებს, საორგანიზაციო საქმეების სამართავად და დაფინანსების მოპოვებისთვის, პირადი კოორდინატორი ემსახურებათ, რაც კომფორტული და დროის დამზოგველი სერვისია.

კავკასიის მედიცინის ცენტრი 30 ონკო ექსპერტს აერთიანებს და ქმნის მძლავრ ონკოლოგიურ სერვისს ივანე კილაძის ხელმძღვანელობით.

Other Blogposts

ჯანმრთელობის სკრინინგ-ცენტრის უპირატესობები
Explore Now
ჯანმრთელობის სკრინინგ-ცენტრის უპირატესობები
15 November 2021
კავკასიის მედიცინის ცენტრი მნიშვნელოვან როლს ასრულებს სკრინინგის ცენტრის განვითარებაში. აქ მრავალი დაავადების საწყისი სტადიის დიაგნოსტირება ულტრათანამედროვე, მაღალტექნოლოგიური აპარატებით ხორციელდება, რომელთა ცდომილება მინიმუმამდეა დაყვანილი.
კავკასიის მედიცინის ცენტრის სამკურნალო დიაგნოსტიკური ჰაბი
Explore Now
კავკასიის მედიცინის ცენტრის სამკურნალო დიაგნოსტიკური ჰაბი
29 October 2021
კავკასიის მედიცინის ცენტრი, თქვენი ჯანმრთელობისთვის, ერთ სივრცეში აერთიანებს ქვეყნის წამყვან სპეციალისტებს და გთავაზობთ მარტივად ხელმისაწვდომ სამედიცინო მომსახურებას.
24 საათიანი გადაუდებელი სამედიცინო დახმარება ონკო-პაციენტებისთვის
Explore Now
24 საათიანი გადაუდებელი სამედიცინო დახმარება ონკო-პაციენტებისთვის
23 September 2021
ონკოლოგიური დაავადებების მკურნალობის პერიოდში გვერდითმა მოვლენებმა და გართულებებმა ნებისმიერ დროს შეიძლება იჩინონ თავი, ამიტომ ონკო-პაციენტებისთვის აუცილებელია ისეთი სერვისის არსებობა, რომელიც 24/7-ზე იქნება ხელმისაწვდომი. კავკასიის მედიცინის ცენტრი კი ერთადერთი ჰოსპიტალია საქართველოში, რომელიც პაციენტებს აღნიშნულ მომსახურებას, ონკოლოგიურ გადაუდებელ დახმარებას სთავაზობს. ჰოსპიტალი უზრუნველყოფს იმ პაციენტების სასწრაფო დახმარებასაც, რომლებიც მკურნალობის კურსს სხვა კლინიკებში გადიან. გადაუდებელი მედიცინის განყოფილების გუნდს მრავალწლიანი გამოცდილება აქვს ონკოლოგიური პაციენტების მართვაში.