OOPS!
YOUR BROWSER IS NOT SUPPORTED
To view this page, please use one of these browsers
Blog

Blog

ინსულტიდან 1 საათში - ნეიროქირურგების სწრაფი და სპეციალიზებული მკურნალობით გადარჩენილი ახალგაზრდა მამაკაცი

28 July 2022
ინსულტიდან 1 საათში - ნეიროქირურგების სწრაფი და სპეციალიზებული მკურნალობით გადარჩენილი ახალგაზრდა მამაკაცი
ინსულტის მკურნალობაში კავკასიის მედიცინის ცენტრის ნეიროქირურგიული გუნდის მრავალი წარმატებიდან ერთ-ერთია ახალგაზრდა მამაკაცის სამედიცინო შემთხვევა, როდესაც ის ჰოსპიტალში დაავადების სიმპტომების აღმოცენებიდან 1 საათში სასწრაფო დახმარების ბრიგადამ შეიყვანა.

თავად პაციენტი იხსენებს, რომ ცნობიერება არ დაუკარგავს, თუმცა ჯერ მეტყველების დარღვევა აღენიშნა, შემდეგ - სრულიად მოშლა. რამდენიმე წუთში სიმპტომებს დაემატა ხელ-ფეხის მოძრაობის შეზღუდვა, მოგვიანებით - დაკარგვა. ოჯახის წევრებმა სასწრაფო სამედიცინო დახმარება გამოიძახეს. ბრიგადამ ინსულტის ნიშნების მქონე პაციენტი კავკასიის მედიცინის ცენტრის სპეციალიზებულ მწვავე სისხლძარღვოვან განყოფილებაში გადაიყვანა.

კომპიუტერულმა ტომოგრაფიამ მარჯვენა შუა არტერიის თრომბი გამოავლინა, რომელიც, სავარაუდოდ, წინა გულიდან ან შიგნითა საძილე არტერიიდან მოწყდა და თავის ტვინის მაგისტრალური სისხლძარღვი დაახშო. მდგომარეობა ყოველწუთიერად უარესდებოდა და სასწრაფო ჩარევას საჭიროებდა.

ნეიროქირურგებმა მირზა ხინიკაძემ და კოკა გოგიჩაიშვილმა განახორციელეს ენდოვასკულური თრომბექტომიის პროცედურა, რის შედეგადაც ამოიჭრა გიგანტური ზომის თრომბი და სისხლძარღვი დიგიტალური ანგიოგრაფიის ტექნიკური მხარდაჭერით აღდგა.

ახალგაზრდა მამაკაცს ნევროლოგიური დეფიციტი პროცედურიდან რამდენიმე საათში აღუდგა და ბინაზე სრულიად გამოჯანმრთელებული გაეწერა.

Other Blogposts

ეპილეფსიის ქირურგია კავკასიის მედიცინის ცენტრში
Explore Now
ეპილეფსიის ქირურგია კავკასიის მედიცინის ცენტრში
08 November 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
Explore Now
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 October 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
Explore Now
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 October 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.