OOPS!
YOUR BROWSER IS NOT SUPPORTED
To view this page, please use one of these browsers
Blog

Blog

24 საათიანი გადაუდებელი სამედიცინო დახმარება ონკო-პაციენტებისთვის

23 September 2021
24 საათიანი გადაუდებელი სამედიცინო დახმარება ონკო-პაციენტებისთვის
ონკოლოგიური დაავადებების მკურნალობის პერიოდში გვერდითმა მოვლენებმა და გართულებებმა ნებისმიერ დროს შეიძლება იჩინონ თავი, ამიტომ ონკო-პაციენტებისთვის აუცილებელია ისეთი სერვისის არსებობა, რომელიც 24/7-ზე იქნება ხელმისაწვდომი. კავკასიის მედიცინის ცენტრი კი ერთადერთი ჰოსპიტალია საქართველოში, რომელიც პაციენტებს აღნიშნულ მომსახურებას, ონკოლოგიურ გადაუდებელ დახმარებას სთავაზობს. ჰოსპიტალი უზრუნველყოფს იმ პაციენტების სასწრაფო დახმარებასაც, რომლებიც მკურნალობის კურსს სხვა კლინიკებში გადიან. გადაუდებელი მედიცინის განყოფილების გუნდს მრავალწლიანი გამოცდილება აქვს ონკოლოგიური პაციენტების მართვაში.

როგორც აღინიშნა, დეპარტამენტში 24 საათის განმავლობაში შესაძლებელია სიმსივნით გამოწვეული გართულებისა (სიმსივნის ზეწოლა, მაგისტრალური სისხლძარღვების ჩაკეტვა, გაუვალობა და ა.შ) ან მკურნალობის გვერდითი მოვლენების მართვა. ამასთან, პროცესში გადაუდებელი მედიცინის ექიმებთან ერთად, ონკოლოგები და საჭიროების შემთხვევაში, სხვადასხვა პროფილის ექიმებიც (მაგ: სისხლძარღვთა ქირურგი, ნეიროქირურგი და ა.შ) ერთვებიან.

განყოფილებაში ხელმისაწვდომია ყველა სახის დიაგნოსტიკური მეთოდები:

  • ლაბორატორიული კვლევები;
  • კომპიუტერული ტომოგრაფია;
  • მაგნიტურ-რეზონანსული ტომოგრაფია;
  • ექოსკოპია;
  • ენდოსკოპია;
  • რენტგენოგრაფია და ა.შ.

მკურნალობა კი თანამედროვე, საერთაშორისო პროტოკოლების მიხედვით ხორციელდება.

პირველადი დახმარების აღმოჩენისა და სიცოცხლისთვის საშიში მდგომარეობის არიდების შემდეგ პაციენტს მკურნალობა სტაციონარში უგრძელდება.

გადაუდებელი მედიცინის განყოფილების მაღალკვალიფიციურ გუნდს, რომელსაც ონკო-პაციენტების მართვის დიდი გამოცდილება აქვს, ოთარ დიხამინჯია ხელმძღვანელობს, ონკოლოგიური დეპარტამენტი კი ამ პროცესში ივანე კილაძის ხელმძღვანელობით ერთვება.

Other Blogposts

ინტერვიუ საქართველოს მორაგბეთა ეროვნული ნაკრების მთავარ ექიმთან, ნუცა შამათავასთან
Explore Now
ინტერვიუ საქართველოს მორაგბეთა ეროვნული ნაკრების მთავარ ექიმთან, ნუცა შამათავასთან
17 December 2021
2021 წლიდან, უკვე 7 თვეა, რაც ქართველი ბორჯღალოსნების ჯანმრთელობასა და რეაბილიტაციაზე კავკასიის მედიცინის ცენტრი ზრუნავს. რა როლი უჭირავს ჰოსპიტალს მორაგბეების ფიზიკურ მზაობაში და რატომ შეირჩა იგი სამედიცინო პარტნიორად? ამ თემებზე მორაგბეთა ეროვნული ნაკრების მთავარი ექიმი, ნუცა შამათავა გვესაუბრა.
მძლავრი ანგიოლოგიური სერვისი კავკასიის მედიცინის ცენტრში
Explore Now
მძლავრი ანგიოლოგიური სერვისი კავკასიის მედიცინის ცენტრში
13 December 2021
კავკასიის მედიცინის ცენტრის სისხლძარღვთა და ენდოვასკულური ქირურგიის განყოფილება აღჭურვილია მაღალტექნოლოგიური ბაზით, რომელიც პაციენტს ნებისმიერი სისხლძარღვოვანი დაავადებების დიაგნოსტიკასა და თანამედროვე მკურნალობის მეთოდებს სთავაზობს.
ჯანმრთელობის სკრინინგ-ცენტრის უპირატესობები
Explore Now
ჯანმრთელობის სკრინინგ-ცენტრის უპირატესობები
15 November 2021
კავკასიის მედიცინის ცენტრი მნიშვნელოვან როლს ასრულებს სკრინინგის ცენტრის განვითარებაში. აქ მრავალი დაავადების საწყისი სტადიის დიაგნოსტირება ულტრათანამედროვე, მაღალტექნოლოგიური აპარატებით ხორციელდება, რომელთა ცდომილება მინიმუმამდეა დაყვანილი.