OOPS!
YOUR BROWSER IS NOT SUPPORTED
To view this page, please use one of these browsers
Статьи Блога

Статьи Блога

უიმედო მდგომარეობა და უგონოდ მყოფი 76 წლის პაციენტი, რომლის გადარჩენაც კავკასიის მედიცინის ცენტრის ექიმებმა შეძლეს

05 Апрель 2022
უიმედო მდგომარეობა და უგონოდ მყოფი 76 წლის პაციენტი, რომლის გადარჩენაც კავკასიის მედიცინის ცენტრის ექიმებმა შეძლეს
ასე ჰგონია, სხვის თავგადასავალს ჰყვება... 18 დღე უგონო მდგომარეობაში იყო და თავად ვერც კი იგრძნო ის მწვავე პერიოდი, რომელსაც ექიმების შემართებითა და პროფესიონალიზმით დააღწია თავი.

ნელი ჯაფარიძე 76 წლის ქალბატონია, რომელსაც ენდოკრინოლოგებმა პირველადი ჰიპერპარათირეოზის დიაგნოზი დაუსვეს. შესაბამისად, ეჭვი პარათირეოიდული ჯირკვლის ადენომაზე იქნა მიტანილი, თუმცა გამოკვლევებით დიაგნოზი არ დასტურდებოდა და ოპერაციულ მკურნალობაზე ყველა ექიმი უარს ამბობდა. ამასობაში, პაციენტის მდგომარეობა პროგრესულად მძიმდებოდა: მას თანმიმდევრობით განუვითარდა ძლიერი სისუსტე, ძილიანობა, შეეზღუდა დამოუკიდებლად გადაადგილების უნარი, გამოიკვეთა მწვავე ნევროლოგიური სიმპტომები და ვითარება უგონო მდგომარეობაში ჩავარდნამდე მივიდა.

თითქმის არავის სჯეროდა, რომ მდგომარეობის ასეთი დამძიმება პარათირეოიდული ჯირკვლის ადენომით განპირობებული ჰიპერკალცემიით იყო გამოწვეული.... პაციენტის ოჯახის წევრები არ დანებდნენ და ექიმის რეკომენდაციით ონკოქირურგ თეა პაპიძეს დაუკავშირდნენ, რომელმაც კლინიკო-ლაბორატორიული მონაცემების საფუძველზე პარათირეოიდული ჯირკვლის ადენომის დიაგნოზი დაადასტურა და პაციენტის საოპერაციოდ მომზადება კავკასიის მედიცინის ცენტრის მულტიდისციპლინურ სპეციალისტთა გუნდთან ერთად დაიწყო.

„ქალბატონი ნელი ჰოსპიტალში ცნობიერება-დათრგუნულ მდგომარეობაში შემოვიყვანეთ. მისი ზოგადი მდგომარეობა ძალიან მძიმე იყო. დაგვჭირდა ნევროლოგისა და ენდოკრინოლოგის ჩართულობა. მკურნალობა მულტიდისციპლინურ მიდგომას საჭიროებდა.... ჩვენმა ენდოკრინოლოგმა, ნინო თედორაძემ პაციენტის დასტაბილურებაზე აიღო პასუხისმგებლობა და ძალიან დაგვეხმარა, მისი ჯანმრთელობის ზოგადი მდგომარეობა ქირურგიული პროცესისთვის მოგვემზადებინა,“ - იხსენებს ონკოქირურგი, თეა პაპიძე.

საბოლოოდ, 76 წლის პაციენტს პარათირეოიდული ჯირკვლის ადენომის ამოკვეთა წარმატებით ჩაუტარდა - ქალბატონი ნელი ჯაფარიძე დღეს თავს კარგად გრძნობს და რეაბილიტაციის კურსს გადის. როგორც თავად ყვება, კიდევ ერთი შანსი ყველას არ ეძლევა და ბედნიერია, რომ ცხოვრების სრულფასოვნად გაგრძელების შესაძლებლობა მიეცა.

другие блогпосты

კავკასიის მედიცინის ცენტრში პირველი სტერეოტაქსიული ნეიროქირურგიული  ოპერაცია  ჩატარდა
Посмотреть
კავკასიის მედიცინის ცენტრში პირველი სტერეოტაქსიული ნეიროქირურგიული ოპერაცია ჩატარდა
14 Март 2023
კავკასიის მედიცინის ცენტრის ნეირომეცნიერებათა დეპარტამენტში პირველი სტერეოტაქსიული ბიოფსია შესრულდა.
სიელმისა და რეფრაქციული მანკების თანამედროვე და მაღალტექნოლოგიური მკურნალობა კავკასიის მედიცინის ცენტრში
Посмотреть
სიელმისა და რეფრაქციული მანკების თანამედროვე და მაღალტექნოლოგიური მკურნალობა კავკასიის მედიცინის ცენტრში
10 Февраль 2023
სიელმე, ანუ თვალის მამოძრავებელი კუნთოვანი სისტემის ბალანსის დარღვევა, ძირითადად რეფრაქციულ მანკებთან ( ახლომხედველობა, შორსმხედველობა და ასტიგმატიზმი ) კომბინაციაში, მოსახლეობაში ხშირად გავრცელებული პრობლემაა.
ეპილეფსიის ქირურგია კავკასიის მედიცინის ცენტრში
Посмотреть
ეპილეფსიის ქირურგია კავკასიის მედიცინის ცენტრში
08 Ноябрь 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.