OOPS!
YOUR BROWSER IS NOT SUPPORTED
To view this page, please use one of these browsers
Статьи Блога

Статьи Блога

შუახნის ქალმა ავთვისებიანი სიმსივნის დამარცხება ოპერაციითა და ქიმიოთერაპიით შეძლო

08 Июль 2022
შუახნის ქალმა ავთვისებიანი სიმსივნის დამარცხება ოპერაციითა და ქიმიოთერაპიით შეძლო

ჯერ მადა დაკარგა, იგრძნო ძლიერი სისუსტე. შემდეგ კვების გაძნელების პრობლემა გაუჩნდა, მუცელმა ზომაში მოიმატა და შებერილობის დისკომფორტიც შეექმნა. ნაირა ტაბატაძე კავკასიის მედიცინის ცენტრში შეშინებული მივიდა. სურდა, მისი შიში ექიმებს  გაექარწყლებინათ. მცირე მენჯის ღრუს და მუცლის ღრუს მაგნიტურ-რეზონანსულმა ტომოგრაფიამ საკვერცხეების ბილატერალური წარმონაქმნი გამოავლინა, რომელიც ბადექონსა და პერიტონეუმის ქსოვილზეც იყო გავრცელებული. გამოკვლევებმა დაადასტურა ასციტის არსებობაც, რაც პერიტონეუმის ღრუში სითხის პათოლოგიურ დაგროვებას გულისხმობს. სადიაგნოსტიკო ლაპარასკოპიით დიაგნოზი შეფასდა, როგორც საკვერცხის მაღალი ხარისხის ავთვისებიანობის მქონე სეროზულ-პაპილური კარცინომა, მეტასტაზური იმპლანტებითბადექონსა და პერიტონეუმის ქსოვილში.

დაავადების გავრცელების მასშტაბის ფონზე, ონკოლოგმა ლიკა კაცელაშვილმა კონსილიუმთან ერთად მიიღო გადაწყვეტილება, ქიმიოთერაპიის სამი კურსი ჩაეტარებინა, რადგან იმ ეტაპზე ოპერაციული მკურნალობა შეუძლებელი იყო. მკურნალობის შედეგად პაციენტის მდგომარეობა მნიშვნელოვნად გაუმჯობესდა, რის შემდეგაც ოპერაცია დაიგეგმა. ონკოქირურგმა, არჩილ შარაშენიძემ განახორციელა რადიკალურიჰისტერექტომია დანამატებით და ომენტექტომიით, რაც სიმსივნის სრულად ამოღებას გულისხმობს.

ნაირა ტაბატაძე დღეს თავს კარგად გრძნობს და პროფილაქტიკური მკურნალობის ქვეშ რჩება. რაც მთავარია, ექიმებმა მისცეს იმედი და ის ცხოვრებას ჩვეულ რიტმში განაგრძობს.

другие блогпосты

ეპილეფსიის ქირურგია კავკასიის მედიცინის ცენტრში
Посмотреть
ეპილეფსიის ქირურგია კავკასიის მედიცინის ცენტრში
08 Ноябрь 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
Посмотреть
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 Октябрь 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
Посмотреть
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 Октябрь 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.