OOPS!
YOUR BROWSER IS NOT SUPPORTED
To view this page, please use one of these browsers
Статьи Блога

Статьи Блога

„მცირდება ულუფები, იცვლება ცხოვრების წესი“ - წონაში კლების შედეგი, რომელსაც სალომე დადუნაშვილმა კუჭის ბოტოქსის პროცედურით მიაღწია

17 Август 2022
„მცირდება ულუფები, იცვლება ცხოვრების წესი“ - წონაში კლების შედეგი, რომელსაც სალომე დადუნაშვილმა კუჭის ბოტოქსის პროცედურით მიაღწია
სალომე დადუნაშვილი ჟურნალისტია, მუდმივად ეკრანთან მუშაობს და მისთვის ვიზუალური მხარე მნიშვნელოვანია. ამბობს, რომ ჭარბი წონა დღეს მსოფლიოს ერთ-ერთი ყველაზე აქტუალური გამოწვევაა და ამ პრობლემას თავადაც უკვე წლებია, ებრძვის. თანამედროვე მედიცინამ მას სულ ახლახან მისცა შესაძლებლობა, წონაში ეფექტურად, შეზღუდვების გარეშე დაეკლო და ცხოვრების წესი შეეცვალა.

„წონაში კლების ამ ხანგრძლივ პროცესში ყველანარი ფიზიკური და ემოციური რესურსი ამოვწურე. ამიტომაც გადავწყვიტე, დახმარებისთვის მიმემართა. ჩავატარე მცირე გამოკვლევა და აღმოვაჩინე კუჭის ენდოსკოპიური ბოტოქსის უნიკალური პროცედურა, რომელიც დამხმარე საშუალებაა, ზედმეტი კილოგრამები სწრაფად, ეფექტურად და, როგორც იტყვიან, შიმშილის გარეშე მოიშორო. რაც ყველაზე მნიშვნელოვანია, მცირდება არა მხოლოდ ულუფის რაოდენობა ჩვენი კვების რაციონში,  არამედ იცვლება ცხოვრების წესიც.“

ამბობს, რომ კუჭის ბოტოქსი ჯადოსნური ჯოხივით ვერ იმოქმედებს, თუკი არ არსებობს რეჟიმის დაცვის, ცხოვრების წესის შეცვლის სურვილი. სალომესთვის გადაწყვეტილება საკმაოდ სერიოზული იყო. ხედავდა ადამიანებს, რომლებმაც ამ პროცედურით სასურველ შედეგს მიაღწიეს და მიზნად დაისახა, ზედმეტი 25 კილოგრამი თავადაც მოეშორებინა.

„რადიკალური მეთოდებით არ ვიყავი დაინტერებული და გარდა ამისა, კუჭის ოპერაციას არც ვსაჭიროებდი. კუჭის ბოტოქსის ჩატარებიდან დღემდე 15 კილოგრამი დავიკელი. ეს პერიოდი საკმაოდ მშვიდი იყო. შევიმუშავე ჩემი რეჟიმი და დავიწყე ფეხით მოძრაობა. სასურველ მიზნამდე სულ რაღაც 10 კილოგრამი მაშორებს.“ სალომე დადუნაშვილმა პროცედურისთვის კავკასიის მედიცინის ცენტრს მიმართა. მანიპულაციისთვის ის ენდოკრინოლოგმა სალომე კალანდაძემ მოამზადა. მომზადება კუჭის ლორწოვანის დათვალიერებას გულისხმობს, რათა გამოირიცხოს რაიმე სახის ეროზიული დეფექტი ან პათოლოგია. ენდოკრინოლოგმა პაციენტს აუხსნა, რომ მეთოდი ნაკლებინვაზიური და არატრავმულია, სულ რაღაც 15 წუთი გრძელდება და კუჭის ლორწოვან გარსში ბოტულინის ტოქსინის ენდოსკოპიური გზით შეყვანას გულისხმობს. შედეგად, მცირდებაკუჭის მოცულობა და ქვეითდება მადა.

ენდოკრინოლოგი ამბობს იმასაც, რომ კუჭის ბოტოქსი ამცირებს კარდიოვასკულურ რისკებს და შესაძლო გართულებებს შაქრიანი დიაბეტის მქონე პაციენტებში. წონაში კლება კი ჯანსაღად მიმდინარეობს, რაც, სალომე დადუნაშვილისთვის, ყველაზე მნიშვნელოვანი ფაქტორია. მისი ცხოვრების წესი ახლა უკვე შეიცვალა.

другие блогпосты

ეპილეფსიის ქირურგია კავკასიის მედიცინის ცენტრში
Посмотреть
ეპილეფსიის ქირურგია კავკასიის მედიცინის ცენტრში
08 Ноябрь 2022
ეპილეფსია საუკუნეების განმავლობაში მიიჩნეოდა ამოუცნობ მოვლენად და მას, სხვადასხვა დროს სხვადასხვა სახელს, მათ შორის დემონების დაავადებას უწოდებდნენ. განვითარების ეტაპებმა კაცობრიობის დაბნეულობას საბოლოოდ მოჰფინა ნათელი და დაადასტურა, რომ ეპილეფსია თავის ტვინის ქრონიკული ნევროლოგიური პათოლოგიაა, რომელიც ნებისმიერი სქესის, ასაკისა და რასის ადამიანს შეიძლება განუვითარდეს.
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
Посмотреть
კავკასიის მედიცინის ცენტრის კლინიკური ონკოლოგიური კვლევები - უნიკალური რეგიონში
20 Октябрь 2022
რას წარმოადგენს კლინიკური ონკოლოგიური კვლევები? რა მნიშვნელობა აქვს აღნიშნულ კვლევას პაციენტებისთვის? რატომ უნდა აირჩიონ კავკასიის მედიცინის ცენტრი პაციენტებმა კლინიკური ონკოლოგიური კვლევების ჩასატარებლად? - ამ თემებზე კავკასიის მედიცინის ცენტრის, კლინიკური ონკოლოგიის განყოფილების ხელმძღვანელი, კლინიკური ონკოლოგი, მედიცინის დოქტორი და ასოცირებული პროფესორი - ივანე კილაძე გვესაბრა.
 ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
Посмотреть
ონკოპაციენტი აფხაზეთიდან, რომელმაც ძუძუს ავთვისებიანი კიბოსგან გათავისუფლება შეძლო
12 Октябрь 2022
ლიკა მარღანია აფხაზეთიდან სამკურნალოდ თბილისში ჩამოვიდა. 35 წლის ქალის ისტორია 4 წლის წინ, მარცხენა მკერდის არეში წანაზარდის აღმოჩენით დაიწყო და თითქმის 3 წლის განმავლობაში დიაგნოსტიკური პროცედურებით შემოიფარგლებოდა. ყვება, რომ საავადმყოფოში ყოველ ჯერზე მისულს, ექიმები უკან აბრუნებდნენ სიტყვებით, რომ საშიში არაფერი იყო და საჭირო გახლდათ მხოლოდ პერიოდული მონიტორინგი.